ဖက်ရှင်ကျချင်တဲ့မိန်းကလေးတိုင်းမှာရှိထားသင့်တဲ့ ဦးထုပ် ၅ မျိုး

ဦးထုပ်ဆိုတာကလည်း ဖက်ရှင်တစ်မျိုးပါပဲ။ ဒါကြောင့် ဖက်ရှင်ကျကျလေးတွေ ဝတ်စားရတာကိုကြိုက်တဲ့ မိန်းကလေးတိုင်းမှာ ရှိထားသင့်တဲ့ ဦးထုပ် ၅ မျိုးကို ဖော်ပြပေးလိုက်ပါတယ်။ ဦးထုပ်တွေဝယ်ချင်ပေမယ့် ဘယ်လိုပုံစံမျိုးတွေဝယ်ရမလဲ၊ ဘယ်လိုဦးထုပ်တွေက အသုံးဝင်စေလဲဆိုတာကို မသိတဲ့သူတွေဆိုလည်း ဒီဦးထုပ် ၅ မျိုးကိုသာ ဦးစားပေးဝယ်သင့်ကြောင့် သိသွားမယ်လို့ ထင်ပါတယ်။

1. Baseball Cap

ဦးထုပ်ဝယ်မယ်ဆိုရင် ပထမဦးစားပေးအနေနဲ့ဝယ်သင့်တဲ့ ဦးထုပ်အမျိုးအစားကတော့ Baseball Cap ပါပဲ။ ဘယ်လိုဖက်ရှင်အဝတ်အစားနဲ့မဆို လိုက်ဖက်ပြီး ထသွားထလာအတွက်လည်း အရမ်းအဆင်ပြေတယ်။ နေရာတိုင်းလိုလိုနဲ့လည်း လိုက်ဖက်မှုရှိစေပါတယ်။ ဦးထုပ်တွေအများကြီးမဝယ်ချင်ရင်တော့ ဒီတစ်မျိုးတော့ ရှိထားသင့်ပါတယ်။

2. Bucket Hat

Bucket Hat ကတော့ ကိုရီးယားမလေးတွေ အရမ်းဆောင်းတဲ့ဦးထုပ်လေးပါ။ အခုနောက်ပိုင်း လူငယ်ကောင်မလေးတွေကြားမှာလည်း အရမ်းခေတ်စားလာတဲ့ ဦးထုပ်မျိုးပါ။ ခပ်မိုက်မိုက်စတိုင်လ်လေးတွေ ဝတ်ရတာကြိုက်တယ်ဆိုရင် ဒီဦးထုပ်လေးရှိထားသင့်ပါတယ်။ ခရီးတွေသွားတဲ့အခါ၊ နေပူထဲသွားတဲ့အခါမျိုးမှဆိုလည်း ဒီဦးထုပ်က အထာကျပြီး မိုက်စေပါတယ်။

3. Berets

ခရီးတွေသွားတဲ့အခါ၊ အထူးသဖြင့် ဆောင်းရာသီခရီးသွားတဲ့အခါ၊ အေးတဲ့နေရာဒေသတွေကို သွားတဲ့အခါမျိုးမှာဆိုရင် Berets ဦးထုပ်လေးတွေက အရမ်းအသုံးဝင်ပါတယ်။ သူ့နေရာအချိန်အခါနဲ့လိုက်ဖက်ပြီး ဖက်ရှင်ကျစေတယ်။ ချစ်ဖို့ကောင်းစေပါတယ်။

4. Straw Hat

ခရီးတွေသွားတဲ့အခါမျိုးမှာ ဆောင်ထားသင့်တာကတော့ Straw Hat ပါပဲ။ ကမ်းခြေပဲသွားသွား၊ နွေရာသီခရီးပဲသွားသွား ဒီဦးထုပ်က အရမ်းအဆင်ပြေပါတယ်။ ဖက်ရှင်လည်းကျသလို နေရောင်ခြည် မျက်နှာကိုမထိအောင်ပါ ကာကွယ်ပေးနိုင်တဲ့ ဦးထုပ်မျိုးပါ။

5. Beanie

ဦးထုပ်ဆောင်းရတာကြိုက်တဲ့ ကောင်မလေးတွေဆိုရင် Beanie ဦးထုပ်လေးတစ်လုံးလောက် ရှိထားသင့်ပါတယ်။ အေးတဲ့နေရာဒေသကို ခရီးသွားတဲ့အခါနဲ့ ဆောင်းရာသီခရီးသွားတဲ့အခါမျိုးမှာဆိုရင် အရမ်းအသုံးဝင်ပါတယ်။ စတိုင်လ်ကျပြီး မိုက်စေတဲ့ပုံစံမျိုးလေးပါ။

source:www.girlstyle.com