ခြေဖဝါးက Dead Skin တွေကို ဖယ်ရှားပစ်နိုင်မယ့် နည်းလမ်းကောင်း ၅ မျိုးကို မျှဝေပေးလိုက်ပါတယ်။ ဒါမှ ခြေဖဝါးကြမ်းတမ်းပြီး အသားမာတက်တာ၊ ကွဲတာမျိုးတွေ မဖြစ်တော့မှာပါ။ လုပ်ရမယ့်နည်းလမ်းတွေကလည်း လွယ်ကူရိုးရှင်းတာကြောင့် လူတိုင်းလုပ်ရတာ အဆင်ပြေမှာပါ။

Exfoliate လုပ်ပါ

Body Scrub လုပ်ရင် ခြေဖမိုးအပြင် ခြေဖဝါးကိုလည်း Scrub တိုက်ပေးဖို့ မမေ့ပါနဲ့။ တစ်ပတ်တစ်ကြိမ် (သို့) နှစ်ကြိမ် ပုံမှန်လုပ်ပေးပါ။ ဒါဆိုရင် ခြေဖဝါးက Dead Skin တွေကို ဖယ်ရှားပစ်နိုင်ပါတယ်။

Moisturizer ပုံမှန်လိမ်းပါ

Exfoliate လုပ်ပြီးတိုင်းမှာလည်း ခြေဖဝါးကို Moisturizer လိမ်းပေးပါ။ ညအိပ်ယာဝင်ခါနီးတိုင်းမှာ ညတိုင်း ခြေထောက်ကို သန့်စင်ပြီး ခြေဖဝါးကို Moisturizer လိမ်းပေးပါ။ ဒါဆိုရင် ခြေဖဝါးကြမ်းတမ်းတာ၊ ခြောက်သွေ့ပြီး အက်ကွဲတာတွေ သက်သာလာမှာပါ။ ခြေဖဝါးလိမ်းဖို့အတွက်ကိုလည်း Quality ကောင်းတာပဲ သုံးပေးပါ။

Pumice Stone နဲ့တိုက်ပါ

ခြေထောက်ကို ရေနွေးစိမ်ပြီး Pumice Stone နဲ့ တိုက်ပေးပါ။ စက်ဝိုင်းပုံစံ ပွတ်ပြီးတိုက်ပေးပါ။ ပြီးရင် ရေဆေးပြီး Moisturizer (သို့) Foot Cream လိမ်းပေးပါ။ နေ့တိုင်းလုပ်ပေးရင် အကောင်းဆုံးပါပဲ။

ရေနွေးစိမ်ပေးပါ

ခြေထောက်ကို ရေနွေးစိမ်ပေးတာကလည်း ခြေဖဝါးခြောက်သွေ့ ကြမ်းတာတွေ သက်သာစေပြီး သွေးလည်ပတ်မှု ကောင်းမွန်စေပါတယ်။ Dead Skin တွေကိုလည်း ဖယ်ရှားပစ်နိုင်ပါတယ်။ ရေနွေးစိမ်တဲ့အခါမှာ ရေနွေးထဲကို သံပယိုရည်ညှစ်ထည့်ပြီး စိမ်လို့လည်းရသလို ဆားကြမ်းထည့်ပြီး စိမ်လို့လည်း ရပါတယ်။

ခြေအိတ်စွပ်အိပ်ပါ

ညအိပ်ယာဝင်ခါနီးမှာ အပေါ်မှာပြောခဲ့သလို ခြေထောက်ကို သန့်စင်ပြီး Moisturizer လိမ်းပြီးပြီဆိုရင် ခြေအိတ်စွပ်ပြီးအိပ်ပါ။ Dead Skin တွေ လျော့ကျစေပြီး ခြေထောက်ကြမ်းတမ်းတာ၊ ခြောက်သွေ့တာကို သက်သာစေပါတယ်။