ဘဝမှာ စိတ်ချမ်းသာဖို့အတွက်ဆိုရင် ကိုယ့်အတွက် Toxic ဖြစ်စေမယ့်အရာတွေ၊ မကောင်းတဲ့ စိတ်ခံစားမှုတွေကို အရင်ရှင်းထုတ်ပစ်ဖို့လိုပါတယ်။ ပျော်ရွှင်မှုတွေရှိနေပြီး ဒီအရာတွေကို မရှင်းထုတ်နိုင်ရင် စိတ်ချမ်းသာရမှာမဟုတ်သလို ပျော်ရွှင်မှုကလည်း ခဏပဲခံပါလိမ့်မယ်။ ဒါကြောင့် ဘဝမှာ စိတ်ချမ်းသာအောင် နေနိုင်ဖို့အတွက်ဆိုရင် ဒီအရာ ၅ ခုကို ရှင်းထုတ်ပစ်သင့်ပါတယ်။

မနာလိုစိတ်

ကိုယ့်ရဲ့မနာလိုစိတ်က ကိုယ့်အတွက်ပြန်ပြီးတော့ ထိခိုက်စေပါတယ်။ မနာလိုမှုကြောင့် အရင်ဆုံးပူလောင်ရတာ ကိုယ်တိုင်ပါပဲ။ စိတ်ဖိစီးရတယ်၊ ကိုယ့်ကိုယ်ကိုလည်း အလိုမကျဖြစ်ပြီး အပြစ်မြင်လာတတ်ပါတယ်။ ဒါကြောင့် ကိုယ့်မှာ သူများအပေါ် မနာလိုစိတ်တွေရှိနေရင် ရှင်းထုတ်ပစ်ပါ။

Stress

လူတိုင်းမှာတော့ Stress ရှိတာပါပဲ။ Stress မရှိတဲ့သူဆိုတာ မရှိပါဘူး။ အဓိကကတော့ Stress တွေကို ကြာကြာမထားပဲနဲ့ သက်သာအောင်လုပ်ရမယ်၊ အမြန်ဆုံးရှင်းထုတ်ရပါမယ်။ ဒါမှလည်း စိတ်ပေါ့ပါးပြီး စိတ်ချမ်းသာရမှာပါ။

Overthinking

ကိုယ့်ကိုယ်ကို စိတ်ဒုက္ခရောက်အောင် လုပ်နေတဲ့အရာက Overthinking ပါပဲ။ Overthinking ဖြစ်တဲ့သူက အကောင်းဘက်ထက် အဆိုးဘက်ကိုပဲ ဦးတည်ပြီးတွေးကြတာပါ။ ကိုယ့်အတွေးနဲ့ ကိုယ့်ကိုယ်ကို နှိပ်စက်နေရင် ဘဝမှာ ဘယ်တော့မှ အပြည့်အဝပျော်ရွှင်ရမှာ မဟုတ်သလို အမြဲတမ်းလည်း စိတ်ဖိစီးနေရမယ်၊ စိတ်ဆင်းရဲနေရပါမယ်။ ဒါကြောင့် Overthinking ဖြစ်တဲ့အကျင့်ကို ရှင်းထုတ်ပစ်ပါ။

Toxic Relationship

Toxic Relationship ကို ဖက်တွယ်ထားရင်တော့ ကိုယ်ပဲစိတ်ဆင်းရဲပြီး ပူလောင်နေရမှာပါ။ ဒီလို Relationship မျိုးကို ဘဝထဲကထုတ်ပစ်လိုက်ရလို့ အရမ်းနာကျင်ရမယ်ဆိုရင်တောင် အချိန်တစ်ခုအထိပါပဲ။ တစ်သက်လုံးနာကျင်ရမှာ မဟုတ်ပါဘူး။ လက်မလွှတ်နိုင်မှသာ အမြဲနာကျင်နေရမှာပါ။

ကိုယ့်အပေါ်မကောင်းတဲ့သူငယ်ချင်း

သူငယ်ချင်းတွေထဲမှာ ကိုယ့်အပေါ်တကယ်ကောင်းတဲ့ သူငယ်ချင်းလည်းရှိသလို ကိုယ့်အပေါ်မကောင်းတဲ့ သူငယ်ချင်းဆိုတာလည်း ရှိပါတယ်။ မကောင်းမှန်းသိရက်နဲ့ ဆက်ပေါင်းသင်းနေရင် အာရုံနောက်ရမယ်၊ စိတ်ညစ်ရပါမယ်။ ဒါကြောင့် ကိုယ့်အတွက်မကောင်းဘူးထင်တဲ့ အရာမှန်သမျှကို ဘဝထဲက ရှင်းထုတ်ပစ်ဖို့ မမေ့ပါနဲ့။