ဆောင်းရာသီမှာ ဆံသား Frizzy ဖြစ်တာမျိုးက အရမ်းများပါတယ်။ ဒါကြောင့် Frizzy ဖြစ်တာမျိုး မကြိုက်တဲ့သူတွေအတွက် ဆောင်းရာသီမှာ ဆံသား Frizzy မဖြစ်အောင် လုပ်လို့ရတဲ့အချက် ၅ ချက်ကို မျှဝေပေးလိုက်ပါတယ်။
ပုံမှန်ဆံပင်ညှပ်ပါ
ဆံသား Frizzy မဖြစ်ချင်ရင် ဆံပင်ပျက်စီးနေတာတွေ၊ အောက်ဖျားတွေကို ပုံမှန်ညှပ်ထုတ်ပေးနေဖို့ လိုပါတယ်။ အဲ့လိုမလုပ်ရင်တော့ ဆံသား Frizzy ဖြစ်ပြီး ဆံပင်ကျွတ်တာတွေ ဖြစ်လာမှာပါ။
Conditioner (သို့) Hair Mask သုံးပါ
Conditioner သုံးတဲ့အခါမှာ Silicon နဲ့ Cationic polymers ကြွယ်ဝစွာပါဝင်တာမျိုးကို ရွေးချယ်သုံးပေးပါ။ ဆံသား Frizzy ဖြစ်တာသက်သာစေပြီး မဖြစ်အောင်လည်း ကြိုတင်ကာကွယ်ပေးပြီးသား ဖြစ်ပါတယ်။ Leave-on conditioner သုံးလည်း ရပါတယ်။ ဒါ့အပြင် တစ်ပတ်တစ်ခါ Hair Mask လုပ်ပေးတာမျိုးကလည်း အရမ်းကောင်းပါတယ်။
Protein နဲ့ Omega 3
အစားအသောက်တွေစားတဲ့အခါမှာ Protein နဲ့ Omega 3 ကြွယ်ဝစွာပါဝင်တာတွေ၊ Biotin နဲ့ Vitamin D, Vitamin E, Omega 3 ဆေး စတာတွေ သောက်ပေးလို့လည်းရပါတယ်။ ဆံသားပျက်စီးတာ Frizzy ဖြစ်တာတွေ သက်သာစေပြီး ဆံသားကျန်းမာသန်စွမ်းစေတယ်၊ ဆံပင်ပြန်ပေါက်စေပါတယ်။
ရေနွေးနဲ့ Microfibre Towel
ခေါင်းလျှော်တဲ့အခါ ပုံမှန်အတိုင်း ရေအေးနဲ့လျှော်လည်း ရပါတယ်။ အေးတဲ့အချိန်မျိုးမှာဆိုရင်တော့ ခေါင်းလျှော်တဲ့အခါမှာ ရေနွေး ကြက်သီးနွေးလောက်နဲ့ လျှော်ပေးပါ။ ဆံပင်အခြောက်ခံတဲ့အခါ Dryer မမှုတ်ပဲ Microfibre towel နဲ့ သုတ်ပေးပါ။ Frizzy ဖြစ်တာ မဖြစ်အောင် ကြိုတင်ကာကွယ်ပေးပြီး ဆံပင်ကျွတ်ခြင်းမှလည်း ကာကွယ်ပေးပါတယ်။
Serum သုံးပါ
ဆံသား Frizzy မဖြစ်ချင်ဘူး၊ Frizzy ဖြစ်တာ သက်သာချင်တယ်ဆိုရင် Hair serum မသုံးလို့မရပါဘူး။ Hair serum သေချာသုံးပေးမှ အဆင်ပြေမှာပါ။ Hair serum မသုံးရင် ဆံသား Frizzy ဖြစ်တာက ပိုဆိုးလာပါလိမ့်မယ်။
