အသားအရေပိုကောင်းလာအောင် skincare တွေချည်းမလိမ်းပဲ ဒီအရာ ၅ ခုကိုလည်း ပုံမှန်လုပ်ပေးပါ။ ဒါဆိုရင်တော့ အသားအရေကြည်ပြီး healthy skin လေး ဖြစ်လာပါလိမ့်မယ်။

အိပ်ရေးဝဝအိပ်ပါ

အသားအရေကောင်းဖို့အတွက် အရေးအကြီးဆုံးကတော့ အိပ်ရေးမပျက်ဖို့ပါပဲ။ အိပ်ရေးပျက်ရင် ဝက်ခြံတွေထွက်လာပြီး အသားအရေညစ်လာမယ်၊ အရေးအကြောင်းတွေ မြန်မြန်ဖြစ်လာပါမယ်။ ဒါကြောင့် ညဘက်နောက်ကျမှ မအိပ်ပါနဲ့။ အသားအရေကောင်းချင်ရင် အိပ်ရေးဝဝအိပ်ပါ။

ရေများများသောက်ပါ

ရေကို ပုံမှန်ထက်ပိုပြီး များများသောက်ပါ။ ပိုက်ဆံမကုန်ပဲ အသားအရေကောင်းဖို့၊ အသားကြည်လာဖို့အတွက် အကောင်းဆုံးနဲ့ အထိရောက်ဆုံးအရာကတော့ ရေများများသောက်တာပါပဲ။ အသီးအရွက်၊ အသီးအနှံများများစားပါ
နေ့တိုင်း အသီးအရွက်တစ်မျိုး ပါအောင်စားပါ။ အသီးအရွက်တွေ၊ အသီးအနှံတွေကို နေ့တိုင်းစား၊ များများစားရင် အသားကြည်ပြီးကိုလှလာပါလိမ့်မယ်။ သစ်သီးဖျော်ရည်လေးတွေလည်း သောက်ပေးပါ။

ဝမ်းမချုပ်အောင်ဂရုစိုက်ပါ

ဝမ်းချုပ်ရင် အသားအရေညစ်ပြီး အပူဖုတွေကန်ထွက်တတ်ပါတယ်။ ဒါကြောင့် ဝမ်းမချုပ်အောင်လည်း ဂရုစိုက်ဖို့လိုပါသေးတယ်။

Moisturizer

အသားအရေကောင်းဖို့ဆိုတာက ရေဓာတ်ပြည့်ဝနေဖို့လိုပါတယ်။ ရေဓာတ်ပြည့်ဝနေဖို့ဆိုရင်တော့ moisturizer က မရှိမဖြစ်ပါပဲ။ မျက်နှာအတွက်လည်းလိုသလို၊ body အတွက်ဆိုလည်း body lotion သေချာလိမ်းဖို့လိုပါတယ်။ Moisturizer သေချာမလိမ်းရင်တော့ အသားအရေက မွဲခြောက်ပြီး ညစ်နေမှာပါပဲ။ ဒါကြောင့် moisturizer ကို မနက်၊ ည လိမ်းပေးပါ။