ဘယ်သူပဲဖြစ်ဖြစ် အကြောင်းအမျိုးမျိုးကြောင့် တစ်ခါတစ်လေမှာ အရမ်းဝမ်းနည်းတာမျိုးတွေ ဖြစ်ဖူးကြမှာပါ။ ဒီလိုအရမ်းဝမ်းနည်းနေတာကို သက်သာသွားအောင်လုပ်တဲ့အရာတွေလည်း ရှိသလို၊ အရမ်းဝမ်းနည်းနေချိန်မှာ မပြုလုပ်သင့်တဲ့အရာတွေလည်း ရှိပါတယ်။ ဘာကြောင့်လဲဆိုရင် ဒါတွေက သင့်ကိုပိုပြီး ဝမ်းနည်းစေမယ်။ စိတ်ဓာတ်ကျစေမှာမို့ပါ။
ဝမ်းနည်းစရာကောင်းတဲ့သီချင်းတွေနားမထောင်ပါနဲ့
ဝမ်းနည်းနေချိန်မှာ တော်တော်များများက သီချင်းနားထောင်တတ်ပါတယ်။ အများစုကည်း ဒီလိုအချိန်မှာ ကိုယ့်ခံစားချက်နဲ့တူတဲ့သီချင်းတွေ၊ ဝမ်းနည်းစရာကောင်းတဲ့ သီချင်းတွေကို နားထောင်ကြတယ်။ ဒါတွေက သင့်ကိုပိုပြီး ဝမ်းနည်းအားငယ်စေပါတယ်။
တစ်ယောက်ထဲမနေပါနဲ့
တစ်ယောက်ထဲနေရင် ပိုပြီး တွေးဖြစ်တယ်၊ ပိုပြီးဝမ်းနည်းမိတယ်၊ ပိုပြီးငိုမိပါတယ်။ ဒါကြောင့် တစ်ယောက်ထဲမနေပါနဲ့။ အပြင်ထွက်ပါ။ သူငယ်ချင်းတွေနဲ့တွေ့ပါ။
အိပ်ယာထဲမှာပဲမနေပါနဲ့
အများစုက ဝမ်းနည်းရင် အိပ်ယာထဲမှာပဲခွေခေါက်နေကြတယ်။ ဒီလိုနေရင် ပိုဆိုးပါတယ်။ နည်းနည်းပျော်ရွှင်စေမယ့်အရာတွေကို လုပ်ကြည့်ပါ။ ပျော်အောင်ဘယ်လိုပဲနေနေ စိတ်ကမပျော်ဘူးဆိုရင်တောင် ခဏလောက်ပဲဖြစ်ဖြစ် စိတ်သက်သာရာတော့ ရသွားပါလိမ့်မယ်။
အစာမစားပဲမနေပါနဲ့
ဝမ်းနည်းရင် အစာစားချင်စိတ်မရှိကြဘူး။ ဘာမှမစားပဲနေတတ်ကြတယ်။ ဒီလိုအစာမစားပဲနေရင် ရင်တုန်ပြီး အားမရှိတာမျိုး ဖြစ်လာမယ်။ နေရတာ ပိုပြီး နုံးလာမယ်။ စိတ်ညစ်စရာပိုကောင်းပြီး ပုံမှန်ထက်ပိုဝမ်းနည်းစိတ်တွေ ဝင်လာပါလိမ့်မယ်။
အမြဲတမ်းတွေးမနေပါနဲ့
အမြဲတမ်းတွေးနေရင်တော့ တစ်ချိန်လုံးစိတ်ညစ်နေရမှာပါ။ တစ်ယောက်ထဲနေရင် ပိုပြီးတွေးဖြစ်ပါတယ်။ ဒါကြောင့် သူငယ်ချင်းအပေါင်းအသင်းနဲ့ တွေ့ပြီး အချိန်ကုန်ဆုံးပါ။ ရင်ဖွင့်လိုက်ပါ။ ကိုယ့်မှာ ရင်ဖွင့်စရာလူမရှိရင်တောင် ဟာသတွေ ထိုင်ကြည့်နေလိုက်ပါ။
Photo Source: www.pinterest.com
