နှုတ်ခမ်းနီဆိုးတဲ့အခါမှာ သတိထားရှောင်ကြဉ်ရမယ့်အချက် ၅ ချက်

နှုတ်ခမ်းနီအမြဲဆိုးလေ့ရှိတဲ့သူတွေအတွက် နှုတ်ခမ်းနီဆိုးတဲ့အခါမှာ သတိထားရှောင်ကြဉ်ရမယ့် အချက် ၅ ချက်ကို ပြောပြပေးလိုက်ပါတယ်။

ထပ်တလဲလဲဆိုးခြင်း

နှုတ်ခမ်းနီဆိုးတဲ့အခါမှာ ထပ်တလဲလဲဆိုးရင် မလှပါဘူး။ ဆိုးမယ်ဆိုရင်လည်း နှစ်ထပ်လောက်ပဲ ဆိုးပေးပါ။ မကြိုက်ရင် Makeup Remover နဲ့ ဖျက်ပြီးတော့မှ ပြန်ဆိုးပါ။

အရောင်ရွေးချယ်မှုမှားခြင်း

နှုတ်ခမ်းနီအရောင်ရွေးတဲ့အခါမှာ သူများလှတယ်ပြောတာကို မရွေးပါနဲ့။ စမ်းကြည့်ပြီး ကိုယ့်အသားအရေနဲ့ လိုက်ဖက်တာမျိုးကို ရွေးချယ်ပါ။ Online ကမှာမယ်ဆိုရင် သေချာရွေးချယ်ပြီးမှာပါ။ အရောင်ရွေးချယ်မှုမှားသွားရင် ကိုယ်နဲ့မလိုက်တဲ့အခါ အဆင်မပြေဖြစ်ရပါတယ်။

Lip Care မလုပ်ခြင်း

Lip Care ဆိုတာလည်း အများကြီးလုပ်စရာမလိုပါဘူး။ Lip Scrub တိုက်ပေးတာမျိုး၊ Lip Balm ဆိုးပေးတာမျိုးလောက်ဆို ရပါပြီ။ ဒီလိုမလုပ်ရင်လည်း နှုတ်ခမ်းက Dead Cells တွေများနေတာ၊ အဖတ်လန်တာတွေ ဖြစ်နေပြီး နှုတ်ခမ်းဆိုးရတာ သိပ်အဆင်မပြေပါဘူး။

Lip Liner မသုံးခြင်း

Lip Liner က မဖြစ်မနေသုံးရမှာမျိုးတော့ မဟုတ်ပေမယ့် Lip Liner သုံးရင် နှုတ်ခမ်းပုံကို ကြိုက်သလိုပုံဖော်လို့ရပါမယ်။ ပြီးရင် နှုတ်ခမ်းဘေးတွေမပေအောင် သပ်သပ်ရပ်ရပ်လေးဖြစ်အောင် ဆိုးလို့ရပါမယ်။ ပိုပြီးသေသေသပ်သပ်နဲ့ နှုတ်ခမ်းပုံလည်းပိုလှပါတယ်။

Quality မကောင်းတာသုံးခြင်း

ဈေးပေါတာ၊ ဈေးကြီးတာမျိုးမဟုတ်ပဲ Quality ကောင်းတာမျိုးကို ရွေးချယ်ပါ။ အရမ်းဈေးပေါနေရင်လည်း Quality မကောင်းရင် ကိုယ့်နှုတ်ခမ်းသား ထိခိုက်ပျက်စီးစေပါတယ်။ ဒါကြောင့် အရေးကြီးတာက Quality ကောင်းတာမျိုးကိုပဲ သုံးပေးပါ။