သင့်ဘက်က သူ့ကို အတည်ရည်ရွယ်ထားပေမယ့် သူ့ဘက်က ဘာမှ မတုံ့ပြန်လာဘူးလို့ ခံစားရတတ်လား။ စုံတွဲတစ်တွဲမှာ နှစ်ယောက် စိတ်တူကိုယ်တူ ရှိတာကတော့ အကောင်းဆုံးပါပဲ။ သင့်အနေနဲ့ သူ့ဘက်က သင့်ကို လက်ထပ်ခွင့်တောင်းမယ့် အစီအစဉ်ရှိမရှိ ဒီအချက်တွေနဲ့ သိနိုင်ပါတယ်။

၁။ သူ့ခံစားချက်ကို ထုတ်မပြောဘူး

သူ့ဘက်က သင့်ကို ဘယ်လောက်ချစ်ကြောင်း နှုတ်နဲ့ မဖော်ပြဖြစ်သလို အမူအရာနဲ့လည်း မဖော်ပြတတ်ပါဘူး။ ဘယ်လောက်ပဲ ရိုးအပါစေ သင့်ကို ချစ်ကြောင်းတော့ ပြသတတ်ရပါမယ်။ သင့်ကို သူဘယ်လောက်ချစ်ကြောင်း ခံစားရအောင် မပြောတတ်၊ ဘာမှမလုပ်ပေးတတ်ဘူးဆိုရင် သူက သင့်ကို လက်ထပ်ခွင့်တောင်းမှာမဟုတ်ပါဘူး။

၂။ လက်ထပ်မယ့်အကြောင်းဘယ်တော့မှမပြောဘူး

သင်တို့က တွဲလာတာကြာပြီဖြစ်ပေမယ့် လက်ထပ်ဖို့အကြောင်းကို သူ့ဘက်က တစ်ခွန်းမှမဟပါဘူး။ သင့်ဘက်က လက်ထပ်ဖို့ အစီအစဉ်တွေ ပြောရင်လည်း သူက စကားလမ်းကြောင်းလွှဲသွားတတ်ပါတယ်။

၃။ သူက သင့်ကို Silent တွဲတယ်

ယောကျာ်းလေးတစ်ယောက်က မိန်းကလေးတစ်ယောက်ကို လက်ထပ်ဖို့ ရည်ရွယ်ထားတယ်ဆိုရင် မိသားစု၊ သူငယ်ချင်းမိတ်ဆွေတွေနဲ့ မိတ်ဆက်ပေးတတ်ပါတယ်။ သူက သင့်ကို လူသိရှင်ကြား ချစ်သူအဖြစ် မကြေညာနိုင်သေးဘူးဆိုရင် သင့်ကို လက်ထပ်ဖို့ အစီအစဉ်မရှိပါဘူး။

၄။ အနာဂတ်အစီအစဉ်မှာ သင့်အကြောင်းမပါဘူး

သူ့ရဲ့ အနာဂတ်စီမံကိန်းထဲမှာ သင်နဲ့အတူလုပ်မယ့် Plan ဘာမှမပါဘူး။ သင်မပါမှန်း သိရတဲ့ ဒီလိုခံစားချက်က တော်တော် စိတ်ပျက်ဖို့ ကောင်းပါတယ်။

၅။ ဖောက်ပြန်တတ်တယ်

သင်နဲ့ကွယ်ရာ ခြေများတဲ့ ယောကျာ်းလေးတစ်ယောက်ကို ဘယ်တော့မှ မယုံကြည်သင့်ပါဘူး။ သင်နဲ့ ဆင်တူ လက်စွပ် စွပ်ထားတယ်ဆိုရင်တောင် သစ္စာမရှိသူတစ်ယောက်ကတော့ ဘယ်တော့မှ ပြောင်းလဲလာမှာမဟုတ်ပါဘူး။ သင်ကအိမ်ထောင်ပြုဖို့ရည်ရွယ်ချက်ရှိတယ်ဆိုရင် ကိုယ်ချစ်သလို ကိုယ့်ကို ချစ်ပေးနိုင်မယ့်၊ သစ္စာရှိပေးမယ့် လက်တွဲဖော်ကို ရှာဖွေသင့်ပါတယ်။

Photo Source: Pinterest

By MyStyle Myanmar