အသားခြောက်တဲ့ dry skin တွေအနေနဲ့ မဖြစ်မနေသုံးပေးသင့်တဲ့ skincare ပစ္စည်း ၅ မျိုးကို ပြောပြပေးလိုက်ပါတယ်။ အသားအရမ်းခြောက်ရင် toner, moisturizer လောက်နဲ့ မလုံလောက်ပါဘူး။ ဒါကြောင့် တခြားအရာတွေလည်း ထပ်ဖြည့်ပြီး သုံးပေးဖို့လိုပါတယ်။
Hydrating Cleanser
မျက်နှာသစ်ဆေးသုံးတဲ့အခါမှာ hydrating cleanser တွေ၊ dry skin တွေအတွက် ထုတ်ထားတဲ့ cleanser တွေကို သုံးပေးပါ။ တခြားပြင်းတဲ့ cleanser တွေ၊ အဆီပြန်တဲ့သူတွေအတွက် ထုတ်ထားတာတွေကိုသုံးမိရင် အသားအရေပိုခြောက်သွေ့လာပါလိမ့်မယ်။
Hydrating Toner
Toner သုံးရင် hydrating အပြည့်အဝပေးနိုင်တဲ့ toner မျိုးကိုသုံးပေးပါ။ အသားခြောက်တဲ့သူတွေအတွက် လိုအပ်နေတာက ရေဓာတ်ပြည့်ဝဖို့ပါ။ ရေဓာတ်ပြည့်ဝမှ အသားအရေစိုစိုပြည်ပြည် ဖြစ်လာမယ်။ အသားအရေစိုပြည်လာမှ ကြည်လာမယ်။ ကိုယ်လိုချင်တဲ့ glow skin ဆိုတာမျိုး၊ မျက်နှာလေးကြည်နေတာမျိုးကို ရလာပါမယ်။
Serum
အသားခြောက်တဲ့သူတွေအနေနဲ့ skincare steps တွေထဲမှာ serum ကောင်းကောင်းလေးတစ်ခုကို ထည့်သုံးသင့်ပါတယ်။ Serum သုံးတာက effect ကောင်းကောင်းရစေပါတယ်။ Skin texture ပိုကောင်းလာစေတယ်။ အသားကြည်ပြီးစိုလာစေပါတယ်။ ကိုယ့်အသားအရေက မွဲခြောက်နေတယ်၊ ညစ်နေတယ်ဆိုရင် vitaminC serum သုံးပေးပါ။
Moisturizer
အသားခြောက်ရင် moisturizer ကို မနက်၊ ည သုံးကိုသုံးရပါမယ်။ Cream type moisturizer မျိုးကို ရွေးသုံးပေးပါ။ အသားခြောက်ရင် moisturizer လိမ်းဖို့ လုံးဝမပျင်းပါနဲ့။
Sheet Mask
အသားခြောက်တဲ့သူတွေအနေနဲ့ အသားအရေသိသိသာသာ စိုပြည်ပြီး ကြည်လာချင်တယ်။ ရေဓာတ်ပြည့်ဝပြီး glass skin လေးဖြစ်ချင်တယ်ဆိုရင် ၃ ရက်တစ်ခါ sheet mask ကပ်ပေးပါ။ Sheet mask တွေကပ်ပေးတာက အသားအရေသိသိသာသာ ကောင်းလာစေပါတယ်။
