မင်္ဂလာပါ ပျိုမေတို့ရေ။ ဗိုက်အဆီကျဖို့အတွက် ခုန်ပေါက်ပြီး လေ့ကျင့်ခန်းလုပ်စရာမလိုဘဲ ကြမ်းပြင်မှာထိုင်ရင်း ထိထိရောက်ရောက်လုပ်လို့ရတဲ့ လေ့ကျင့်ခန်းအချို့ကို ဖော်ပြပေးချင်ပါတယ်နော်။ ဗိုက်အဆီအတွက်ဆိုရင် ဗိုက်ကြွက်သားကိုအားပြုပြီး ထိုင်လုပ်ရတဲ့လေ့ကျင့်ခန်းတွေက ကြွက်သားကျစ်လျစ်ဖို့ ပိုထိရောက်တာမို့ ဒီလိုလေ့ကျင့်ခန်းလေးတွေ ပုံမှန်လုပ်ပေးတာက အကောင်းဆုံးပါပဲ။ ဖော်ပြထားတဲ့လေ့ကျင့်ခန်းတွေက ဗိုက်အဆီတင်မက တစ်ကိုယ်လုံးက ကြွက်သားတွေ လှုပ်ရှားပြီးသားဖြစ်တာမို့ ခန္ဓာကိုယ်သန်မာပြီး ကျစ်လျစ်နေဖို့ ကူညီပေးပါလိမ့်မယ်။
လေ့ကျင့်ခန်း ၁
လက်နှစ်ဖက်ကို တင်ပါးအောက်ခုကာ တံတောင်နဲ့ထောက်ထားပါ။ ခြေထောက်နှစ်ဖက်ကို မ ပြီး ဒူးကွေးလိုက် ဆန့်လိုက်လုပ်ပေးရမှာဖြစ်ပါတယ်။ ဗိုက်ကြွက်သားတွေကို အားပြုပေးထားပါ။ ပုံထဲကလို ခြေချောင်းနှစ်ဖက်နဲ့ အလေးတုံး တစ်တုံး မ ပြီး လုပ်ပေးရင် ပိုထိရောက်ပါတယ်။
လေ့ကျင့်ခန်း ၂
ဒီလေ့ကျင့်ခန်းအတွက်တော့ ပုံထဲကလို ကြမ်းပြင်မှာထိုင်ရင်း ခြေထောက်ရော လက်ပါ မြှောက်ကာ ဆန့်ထားပေးလိုက်ပါ။ ဒူးအနည်းငယ်ကွေးရာကနေ အပေါ်ဆန့်ထုတ်ပြီး စက္ကန့်အနည်းငယ်မြှောက်ထားပေးရပါမယ်။ သူ့ကိုလည်း ဗိုက်ကြွက်သားတွေအားပြု မ ထားပြီး ၁၅ မှ စက္ကန့် ၃၀ ကြားထားကာ ခြေထောက်ပြန်ချနိုင်ပါတယ်။
လေ့ကျင့်ခန်း ၃
နောက်ထပ်လုပ်ရမယ့်လေ့ကျင့်ခန်းက ခန္ဓာကိုယ်ကို တစ်ဝက်လှဲချပြီး ခေါင်းကနေ ရင်ဘက်ကိုတော့ အပေါ်တင်ထားကာ လက်မြှောက်လိုက် ဒူးကွေးလိုက်လုပ်ပေးရမှာပါ။ လက်မြှောက်တဲ့အချိန်မှာ ခြေထောက်ကိုပါ ကွေးပြီး လက်ပြန်ချတဲ့အခါ ကွေးလိုက်တဲ့ဒူးနဲ့ထိပေးပါ။ ဗိုက်ကြွက်သားတွေတင်းထားရမှာဖြစ်လို့ အဆီလောင်ကျွမ်းဖို့ အရမ်းထိရောက်ပါတယ်။
လေ့ကျင့်ခန်း ၄
အိပ်ထ မ တင်ပုံစံလုပ်ရမှာဖြစ်ပြီး ပုံထဲကလို ခေါင်းနဲ့ကြမ်းပြင်မထိစေဘဲ လက်ဆန့်ကာ ကြွက်သားအားပြုပြီး လှဲချပါ။ ပြန်ထတဲ့အခါ ဒူးတစ်ဖက်ကို ကွေးပေးရပါမယ်။ ဘက်ပြောင်းပြီး စက္ကန့် ၂၀ စီပြုလုပ်ပေးပါနော်။
လေ့ကျင့်ခန်း ၅
Russian Twist လို့ခေါ်တဲ့လေ့ကျင့်ခန်း ဖြစ်ပြီး ခါးသေးဖို့ အရမ်းထိရောက်တဲ့လေ့ကျင့်ခန်းတွေတစ်ခုပါ။ သူ့ကိုတော့ ပုံမှာပြထားသလို ဗိုက်ကြွက်သား အားပြုပြီးထိုင်ကာ ဒူးနှစ်ဖက်အနည်းငယ်ကွေးလျက် ထောင်ထားပြီး ခန္ဓာကိုယ်အပေါ်ပိုင်းကို တစ်လှည့်စီလိမ်ပြီး လှည့်ပေးရမှာဖြစ်ပါတယ်။ ပိုပြီးထိရောက်ဖို့ အလေးတုံး တစ်တုံးနဲ့လုပ်ပေးပါ။ တစ်နေ့မှာ စက္ကန့် ၂၀ သုံးကြော့ခန့် လုပ်ပေးသင့်ပါတယ်။
Photo Source: Pinterest
By MyStyle Myanmar
