တစ်ယောက်နဲ့တစ်ယောက် အချိန်အကြာကြီး ချစ်နေကြတဲ့ စုံတွဲတွေလည်း ရှိသလို တစ်ယောက်က ချစ်နေပေမယ့်လည်း နောက်တစ်ယောက်က လုံးဝဆက်မချစ်နိုင်တော့ပဲ ပြောင်းလဲသွားတာမျိုးတွေလည်း ရှိပါတယ်။ ဒါကြောင့် ကိုယ့်ချစ်သူ နည်းနည်းလေးပြောင်းလဲနေပြီဆိုတာနဲ့ သတိထားလို့ ရအောင်၊ သေချာစဉ်းစားလို့ရအောင် သူသင့်ကို ဆက်မချစ်နိုင်တော့ဘူးဆိုတာကို ဖော်ပြနေတဲ့အချက်တွေ (၅) ချက်ကို ပြောပြပေးလိုက်ပါတယ်။

သင့်ခံစားချက်တွေကို ဂရုမစိုက်တော့ဘူး

သင်ဘာပဲခံစားနေရပါစေ ဂရုမစိုက်တော့ဘူး။ မတုန်လှုပ်တော့ဘူး။ သူ့အတွက်နဲ့ သင်နာကျင်ခံစားရတာတွေကို သွားပြောနေရင်တောင် ဂရုမစိုက်တော့ဘူး။ သင့်ခံစားချက်တွေက သူ့အတွက် ဘာမှမဟုတ်တော့ဘူး။

သင့်ကိုအရာရာအပြစ်တင်လာတယ်

သင်လုပ်သမျှ အရာရာတိုင်းကို အပြစ်တင်လာမယ်။ အရာရာကို အပြစ်တင်ပြီး ပြောဆိုလာမယ်။ သင်ဘာလုပ်လုပ်၊ ဘာပြောပြော သူ့အတွက် စိတ်ရှုပ်စရာကောင်းတယ်ဆိုတဲ့ အပြုအမူမျိုးတွေ၊ စိတ်မရှည်တော့တာမျိုးတွေ ဖြစ်လာမယ်။

သင့်ကိုအရေးပေးတာမျိုး၊ ဦးစားပေးတာမျိုး မရှိတော့ဘူး

အရင်က အားလုံးနဲ့ယှဉ်ရင် သင့်ကို ဦးစားပေးခဲ့သမျှ ပြောင်းလဲပြီး အခုချိန်မှာတော့ သင်ကလွဲရင် အခြားအရာတွေက သူ့အတွက် အရေးကြီးလာမယ်။ သင့်ကို ဦးစားပေးတာမျိုး၊ အရေးပေးတာမျိုးလည်း မရှိတော့ဘူး။

သင့်အတွက်အချိန်မပေးတော့ဘူး

သင့်အတွက်လည်း အချိန်ပေးတာမျိုး မရှိတော့ဘူး။ အရင်က တွေ့နေကျနေ့မှာ တွေ့မယ်ပြောရင်တောင် အကြောင်းအမျိုးမျိုးပြပြီး ငြင်းလာမယ်။ သင်နဲ့တွေ့ဖို့၊ စကားပြောဖို့ဆိုရင် အရင်လိုမဟုတ်တော့ပဲ အကြောင်းပြချက်မျိုးစုံနဲ့ ရှောင်ဖယ်လာမယ်။

ရုတ်တရက် လျှို့ဝှက်ချက်တွေများလာတယ်

သင့်အပေါ်မှာ ရုတ်တရက်ကြီး ဖုံးကွယ်ထားတာမျိုးတွေ ရှိလာမယ်။ လျှို့ဝှက်ချက်တွေများလာမယ်။ ဒီလိုအပြုအမူမျိုးတွေ ဖြစ်နေတာများပြီ ဆိုရင်တော့ သင့်အပေါ်မှာ သူမချစ်တော့တာ ဖြစ်နိုင်ချေများနေပါပြီ။