သင့်အတွက် ရည်းစားမလိုအပ်သေးဘူးဆိုတာကို ဖော်ပြနေတဲ့ အချက် ၅ ချက်ကို ပြောပြပေးလိုက်ပါတယ်။ ဒီအချက်တွေနဲ့ ကိုက်ညီနေပြီဆိုရင်တော့ သင်က ရည်းစားမထားလည်းရသေးတဲ့သူဖြစ်ပြီး တစ်ယောက်ထဲနေတာ ပိုကောင်းပါတယ်။

တစ်ယောက်ထဲလည်းပျော်အောင်နေနိုင်ခြင်း

တစ်ယောက်ထဲလည်း ပျော်အောင်နေနိုင်တယ်၊ လက်ရှိမှာ ပျော်ရွှင်နေရတယ်ဆိုရင် ရည်းစားထားဖို့ မလိုအပ်သေးပါဘူး။ တစ်ယောက်ထဲပျော်ရွှင်နေတာကို ရည်းစားထားလိုက်မှ ပူလောင်နေရပြီဆိုတာမျိုး မဖြစ်အောင် တစ်ယောက်ထဲ ဆက်လက်တောက်ပပြီး ပျော်ရွှင်နေလိုက်ပါ။

စိတ်ရှုပ်မခံနိုင်ခြင်း

စိတ်ရှုပ်မခံနိုင်ရင် ရည်းစားမထားပဲ တစ်ယောက်ထဲနေတာ ပိုကောင်းပါတယ်။ စိတ်ရှုပ်မခံနိုင်တာကြောင့် Relationship မှာ မလိုလားအပ်တဲ့ ပြဿနာတွေ ပိုဖြစ်စေပြီး ကိုယ်တိုင်လည်း စိတ်ပင်ပန်းရပါတယ်။ ဒါကြောင့် လုံးဝစိတ်ရှုပ်မခံနိုင်ဘူးဆိုရင် ရည်းစားမထားသေးပဲ တစ်ယောက်ထဲနေတာ ပိုကောင်းပါတယ်။

အယုံအကြည်နည်းခြင်း

အချစ်ရေးနဲ့ပတ်သက်ပြီးတော့ပဲဖြစ်ဖြစ်၊ ယောင်္ကျားလေးတွေအပေါ်မှာပဲဖြစ်ဖြစ်၊ မိန်းကလေးတွေအပေါ်မှာပဲဖြစ်ဖြစ် အယုံအကြည်နည်းတဲ့သူက ရည်းစားမထားသေးတာ ပိုကောင်းပါတယ်။

အတိတ်ကဒဏ်ရာတွေမကျက်သေးခြင်း

အချစ်ရေးနဲ့ပတ်သက်ပြီး အတိတ်မှာနာကျင်ခဲ့ရလို့ ဒဏ်ရာမကျက်သေးဘူးဆိုရင် ရည်းစားထားဖို့ မလိုအပ်သေးပါဘူး။ ခံစားနေရတဲ့အရာတွေကို အရင်ဆုံး Healing လုပ်ပြီး အဆင်ပြေလာပြီဆိုမှ အဆင်သင့်ဖြစ်ပြီဆိုမှ ရည်းစားထားပါ။

မဖြစ်မနေကြိုးစားရမယ့်အရာတွေရှိနေခြင်း

စာနဲ့ပတ်သက်ပြီးတော့ပဲဖြစ်ဖြစ်၊ အလုပ်နဲ့ပတ်သက်ပြီးတော့ပဲဖြစ်ဖြစ် ကိုယ့်မှာ မဖြစ်မနေကြိုးစားရမယ့် Goal တစ်ခုရှိတယ်ဆိုရင် ရည်းစားထားဖို့ မလိုအပ်သေးပါဘူး။ ကိုယ့်ရဲ့ Goal တွေကိုသာ အရင်ရအောင် ကြိုးစားပါ။ ဒီအချိန်မှာ အချစ်ရေးကို ခဏမေ့ထားလိုက်ပါ။