တချို့မိန်းကလေးတွေက ဒေါက်ဖိနပ်စီးရတာကို အရမ်းကြိုက်ပါတယ်။ တချို့ကျတော့လည်း ဖိနပ်ကိုမျိုးစုံစီးတာပါ။ ဒါပေမယ့် တချို့ကျတော့ ဒေါက်ဖိနပ်စီးရတာကို လုံးဝမကြိုက်ကြပါဘူး။ ဒီလို ဒေါက်ဖိနပ်စီးရတာကို လုံးဝမကြိုက်တဲ့ မိန်းကလေးတွေမှာ ရှိထားသင့်တဲ့ဖိနပ် ၅ မျိုးကို ပြောပြပေးချင်ပါတယ်။ ဒေါက်ဖိနပ်မစီးလည်း ဒီဖိနပ် ၅ မျိုးနဲ့တင် ဘယ်နေရာသွားသွား တော်တော်အဆင်ပြေနေပါပြီ။
Basic Ballet Flats
ဒေါက်ဖိနပ်တွေ၊ ဖိနပ်အမြင့်တွေ စီးရတာကို လုံးဝမကြိုက်ရင် Basic Ballet Flats လေးတစ်ရံသာ ဝယ်ထားပါ။ ဂါဝန်၊ စကပ်၊ ဘောင်းဘီအတို၊ အရှည်၊ ထဘီ စတဲ့ ဖက်ရှင်အားလုံးနဲ့ကို လိုက်ဖက်တဲ့ဖိနပ်မျိုးပါ။
Flat Sandal
ဒေါက်ဖိနပ်စီးရတာမကြိုက်ရင် Flat Sandal လေးတစ်ရံတော့ ဆောင်ထားပါ။ သူကစီးရတာ ပေါ့ပါးပြီး ချစ်ဖို့လည်းကောင်းတယ်။ လှတာလေးတွေလည်း အများကြီးရှိပါတယ်။ ခုနကလိုပဲ ဖက်ရှင်မျိုးစုံ အားလုံးနဲ့ကို လိုက်ဖက်ပါတယ်။
Casual Kicks
ဘောင်းဘီအရှည်လေးတွေဝတ်တဲ့အခါမျိုးမှာဆိုရင် Casual Kicks လေးတွေကိုစီးတာက အရမ်းချစ်ဖို့ကောင်းပါတယ်။ ပေါ့ပါးမှုလည်းရှိစေပြီး စီးရတာလည်း အဆင်ပြေသလို ဖက်ရှင်ကျစေပါတယ်။
Sneakers
ဒေါက်ဖိနပ်စီးတဲ့သူပဲဖြစ်ဖြစ်၊ မစီးတဲ့သူပဲဖြစ်ဖြစ် မိန်းကလေးတိုင်းမှာ Sneakers တစ်ရံတော့ ရှိထားသင့်ပါတယ်။ ထဘီနဲ့ကလွဲလို့ ကျန်တဲ့ဖက်ရှင်တော်တော်များများနဲ့ လိုက်ဖက်တာကြောင့် မရှိမဖြစ်ပါပဲ။
Slipper
ဒေါက်ဖိနပ်စီးရတာမကြိုက်ရင် Slipper တော့ရှိထားမှဖြစ်ပါမယ်။ ထသွားထလာလည်း စီးလို့အဆင်ပြေပြီး ပေါ့ပါးလွတ်လပ်မှုရှိစေတဲ့အတွက် Slipper ကတော့ ပြောနေစရာတောင်မလိုပါဘူး။ ရှိထားမှဖြစ်မှာပါ။
