ကိုယ့်သူငယ်ချင်းတွေထဲမှာ စကားပြောရင် ဘုကန့်လန့်တိုက်တတ်တဲ့သူတွေရှိပါသလား။ တခါတလေ အကန်လေးတွေပြောတတ်ပြီး အဲဒီလိုလေး ဘုကန့်လန့်တိုက်၊ ကန့်ကန့်လန်နေတာကိုမှ ခင်မင်တဲ့သူတွေ၊ သဘောကျတဲ့သူတွေရှိပါတယ်နော်။

ဘာလို့လဲဆိုတော့ အဲဒီလို ကန့်လန့်တိုက်တတ်တဲ့သူတွေမှာ အခုဖော်ပြမယ့် အားသာချက်တွေရှိနေလို့ပါပဲ။

၁။ နားထောင်ပေးတတ်တယ်

ဘုကန့်လန့်တိုက်တတ်တဲ့သူတွေရဲ့ သဘောသဘာဝကိုက လူတစ်ယောက်ပြောတာကို ကောင်းကောင်းနားထောင်ပေးတတ်ပါတယ်။ သူတို့ဟာ သူတို့ အကြောင်းပြောတာထက် တခြားသူပြောတာကို ပိုပြီးနားထောင်ပေးတတ်ကြပါတယ်။ သူတို့ဟာ တခြားသူပြောတာကို နားထောင်ချင်တဲ့စိတ်နေသဘောထားရှိကြပါတယ်။

၂။ သူတို့မှာ ကိုယ်ချင်းစာတရားရှိတယ်

သူတို့ဟာ လူတစ်ယောက်ကို အရမ်းစာနာ သနားတတ်ပါတယ်။ သူတို့ဘေးက အချစ်ဆုံးသူတွေကို ထိလို့ကတော့ လုံးဝသည်းမခံတတ်တဲ့သူတွေပါ။

၃။ သူတို့ဟာ လျှို့ဝှက်တတ်တယ်

ဘုကန့်လန့်တွေဟာ လျှို့ဝှက်တတ်ပါတယ်။ တခြားသူတစ်ယောက် သူတို့ကို နှစ်သက်သဘောကျစေဖို့အတွက် ကြိုးပန်းအားထုတ်လေ့မရှိပါဘူး။ သူတို့ရဲ့ အကြောင်းကို အားလုံးဖွင့်ပြောလေ့မရှိတတ်ဘဲ လျှို့ဝှက်တတ်ပါတယ်။

၄။ သူတို့ဟာ ပညာရှိကြတယ်

ဘုကန့်လန့်လေးတွေဟာ အရေးကြီးတဲ့ ဆုံးဖြတ်ချက်တွေကို သေချာအချိန်ယူပြီး ဆုံးဖြတ်တတ်ကြပါတယ်။ စိတ်ရှည်တတ်ပြီး ပါးပါးနပ်နပ်ရှိကြပါတယ်။ ဒါကလည်း တခြားသူတွေ သူ့တို့ကို သဘောကျစေတဲ့ အချက်ပါပဲ။

၅။ သူတို့ဟာ သစ္စာရှိတယ်

ဘုကန့်လန့်တွေဟာ သူတို့မိတ်ဆွေ သူငယ်ချင်းတွေအပေါ် သစ္စာရှိကြပါတယ်။ သူတို့အကြောင်းကိုလည်း ဂရုစိုက်ပြီး သူတို့မိတ်ဆွေတွေ မသိစေချင်တဲ့အရာတွေကိုလည်း လျှို့ဝှက်ပေးတတ်ကြပါတယ်။ အခုလို မိတ်ဆွေတွေအပေါ် သစ္စာရှိတာကြောင့်လည်း သူတို့ကို လူတွေက သဘောကျကြတာပါ။