မျက်လုံးနားတစ်ဝိုက်မှာ အသားခြောက်နေတာကို သက်သာအောင် လုပ်ပေးနိုင်မယ့်နည်းလမ်း ၅ မျိုး

မျက်လုံးနားတစ်ဝိုက်မှာ အသားခြောက်ပြီး Dry Skin ဖြစ်နေရင် မျက်ကွင်းပိုညိုလာပြီး အရေးအကြောင်းတွေ ပိုဖြစ်လာတတ်ပါတယ်။ မျက်လုံးတစ်ဝိုက် အသားအရေကလည်း ရေဓာတ်ပြည့်ပြီး စိုပြည်နေဖို့ လိုပါတယ်။ ဒါကြောင့် မျက်လုံးနားတစ်ဝိုက်မှာ အသားခြောက်နေတာကို သက်သာအောင်လုပ်ပေးနိုင်မယ့် နည်းလမ်း ၅ မျိုးကို မျှဝေပေးလိုက်ပါတယ်။ ဒီနည်းလမ်း ၅ မျိုးထဲကမှ ကိုယ်နှစ်သက်ရာတစ်မျိုးကို စွဲပြီးပုံမှန်လုပ်ပေးရပါမယ်။

ရှားစောင်းလက်ပတ်ဂျယ်လ်

ရှားစောင်းလက်ပတ်ဂျယ်လ်ကို စားပွဲတင်ဇွန်း ၁ ဇွန်းစာလောက်ယူပြီး မျက်လုံးတစ်ဝိုက်ကို လိမ်းပေးပြီး တစ်ညထားပါ။ မနက်ရောက်မှ တစ်ခါထဲမျက်နှာသစ်လိုက်ရုံပါပဲ။ နောက်နေ့ညတွေမှာလည်း ဆက်တိုက်လုပ်ပေးသွားမယ်ဆိုရင်တော့ မျက်လုံးနားတစ်ဝိုက်မှာ အသားခြောက်နေတာက တစ်ဖြေးဖြေးနဲ့ သက်သာလာပါလိမ့်မယ်။

Almond Oil

ညအိပ်ယာဝင်ခါနီးတိုင်း Almond Oil ကို မျက်လုံးနားတစ်ဝိုက်မှာ ဖြေးဖြေးချင်းပွတ်လိမ်းပြီး Massage လုပ်ပေးရမှာပါ။ မနက်ရောက်မှ တစ်ခါထဲမျက်နှာသစ်လိုက်ရုံပါပဲ။ ဒီနည်းလမ်းကိုလုပ်မယ်ဆိုရင်လည်း ညတိုင်းလုပ်ပေးရပါမယ်။

Vitamin E

Vitamin E Capsules ၂ လုံးကိုဖောက်ပြီး မျက်လုံးနားတစ်ဝိုက်မှာ ဖြေးဖြေးချင်းပွတ်လိမ်းပြီး Massage လုပ်ပေးပါ။ ညဘက်လုပ်ပြီး မနက်ရောက်မှ မျက်နှာသစ်ပါ။ ဒီနည်းလမ်းကို ရွေးလုပ်မယ်ဆိုလည်း ညတိုင်းလုပ်ရပါမယ်။

Green Tea Bags

Green Tea Bags ၂ ထုပ်ကို ရေနွေးထဲမှာ မိနစ်အနည်းငယ် စိမ်ထားပေးပါ။ ပြီးရင်တော့ အပြင်ကိုထုတ် အအေးခံပြီး မျက်ခွံပေါ်မှာ မိနစ် ၂၀ လောက် တင်ထားပေးရပါမယ်။ အချိန်ပြည့်ရင်ဖယ်ပြီး ရေအေးကို Spray ဘူးထဲထည့်ကာ မျက်လုံးကိုဖြန်းပေးပါ။ ဒီနည်းလမ်းကိုလည်း ညအိပ်ယာဝင်ခါနီးတိုင်း လုပ်ပေးရမှာပါ။ သူကတော့ မျက်လုံးနားတစ်ဝိုက် အသားခြောက်တာကို သက်သာစေရုံတင်မဟုတ်ပဲ မျက်စိပါအေးပြီး အမြင်အာရုံပိုကောင်းစေပါတယ်။

ထောပတ်သီး

ထောပတ်သီးရဲ့အတွင်းသားကိုယူပြီး ချေပါ။ ပြီးရင်တော့ မျက်လုံးနားတစ်ဝိုက်မှာ လိမ်းထားပြီး မိနစ် ၂၀ ထားရပါမယ်။ အချိန်ပြည့်ရင် Wet Tissue နဲ့ ညင်သာစွာဖျက်ပေးပါ။ ပြီးမှ ရေကြက်သီးနွေးနဲ့ မျက်နှာသစ်လိုက်ရုံပါပဲ။ ဒီနည်းလမ်းကိုလည်း ညအိပ်ယာဝင်ခါနီးတိုင်း နေ့တိုင်း လုပ်ပေးရပါမယ်။