Six Pack Abs ထွက်လာစေဖို့ကူညီပေးမယ့်ယောဂကျင့်စဉ် ၅ မျိုး

Six Pack Abs ထွက်လာဖို့ အပင်ပန်းခံပြီး လေ့ကျင့်ခန်းမလုပ်ချင်တဲ့သူတွေအတွက် လုပ်ရတာနည်းနည်းသက်သာပြီး သိပ်မပင်ပန်းစေမယ့် နည်းလမ်းကို မျှဝေပေးချင်ပါတယ်။ ဒါကတော့ Six Pack Abs ထွက်လာစေဖို့ ကူညီပေးမယ့် ယောဂကျင့်စဉ် ၅ မျိုးပါ။ ယောဂကျင့်စဉ်ဖြစ်တဲ့အတွက် နေ့တိုင်း ပုံမှန်လုပ်သွားမှသာ အချိန်ကြာလာရင် သိသာတဲ့ရလဒ်ကို ရရှိမှာပါ။ စိတ်ရှည်ဖို့နဲ့ ဇွဲရှိဖို့တော့ လိုပါတယ်။

Mountain Pose

ယောဂဖျာရဲ့အလယ်တည့်တည့်မှာ ပုံမှာပြထားတဲ့အတိုင်း ရပ်ပေးရပါမယ်။ ခြေထောက်နှစ်ဖက်ကိုစုပြီး မတ်မတ်ရပ်ပါ။ လက်နှစ်ဖက်ကို အောက်ကိုဆန့်ပြီး လက်ဖဝါးကိုတော့ ပုံမှာပြထားတဲ့အတိုင်း လုပ်ပေးပါ။ အဲ့ပုံစံအနေအထားအတိုင်း ၅ မိနစ်နေပေးရမှာပါ။

Down Dog Pose

ယောဂဖျာပေါ်မှာ ပုံမှာပြထားတဲ့အနေအထားနဲ့ နေပေးရပါမယ်။ ခြေဖဝါးနဲ့ ဖျာနဲ့ထိနေရပါမယ်။ ခြေထောက်နဲ့ ခါးကလည်း တန်းနေရပါမယ်။ ကုန်းနေတာမျိုး မဖြစ်ရပါဘူး။ လက်ကိုဆန့်ထုတ်ထားပြီး လက်ဖဝါးက ဖျာနဲ့ထိနေရပါမယ်။ အဲ့အနေအထားတိုင်း ၁ မိနစ်ပြည့်အောင်နေရပါမယ်။ အချိန်ပြည့်ရင် နောက်ထပ် ၂ ကြိမ် ထပ်လုပ်ပေးပါ။

Warrior Pose

ယောဂဖျာပေါ်မှာ ခြေထောက်တစ်ဖက်ကိုထောက်ရပ်ပြီး နောက်တစ်ဖက်ကတော့ အနောက်ကို တန်းနေအောင် ဆန့်ထုတ်ထားရပါမယ်။ လက်နှစ်ဖက်ကို ရှေ့ဆန့်ထုတ်ထားရပါမယ်။ ပုံမှာပြထားတဲ့အတိုင်း ဆန့်ထုတ်ထားတဲ့လက်နှစ်ဖက်၊ အနောက်ဆန့်ထုတ်ထားတဲ့ ခြေထောက်တစ်ဖက်နဲ့ ခါး၊ ကျောရိုးတို့က တစ်တန်းတည်းဖြစ်နေအောင် ကြိုးစားပြီးလုပ်ပေးပါး။ အဲ့အနေအထားအတိုင်း ၁ မိနစ်ပြည့်အောင် နေရပါမယ်။ လုပ်ရမယ့်အကြိမ်အရေအတွက်ကတော့ ၃ ကြိမ်ပါ။

Child’s Pose

ယောဂဖျာပေါ်မှာ ပုံမှာပြထားတဲ့အတိုင်းနေပေးပါ။ ခြေဖနောင့်က တင်ပါးနဲ့ထိနေရပါမယ်။ ကျောကလည်း တစ်ဖြောင့်တည်းဖြစ်နေရပါမယ်။ လက်နှစ်ဖက်ကို ရှေ့ကို ဆန့်ထုတ်ထားရပါမယ်။ နဖူးနဲ့ ဖျာနဲ့ ထိနေရပါမယ်။ ဒီအနေအထားအတိုင်း စက္ကန့် ၂၀ ပြည့်အောင် နေပေးရပါမယ်။ ပြီးရင်တော့ နောက်ထပ် ၄ ကြိမ် ထပ်လုပ်ပေးပါ။

Plank Pose

ယောဂဖျာပေါ်မှာ ပုံမှာပြထားတဲ့အတိုင်း Plank ထောက်ရပါမယ်။ ထောက်ထားတဲ့လက်က ကွေးသွားလို့မရပါဘူး။ နောက်ကိုဆန့်ထုတ်ထားတဲ့ ခြေထောက်နှစ်ဖက်ကလည်း တန်းနေရပါမယ်။ ကွေးနေလို့ မရပါဘူး။ အဲ့ပုံစံအတိုင်း ၁ မိနစ်ပြည့်အောင် နေပေးရပါမယ်။ အချိန်ပြည့်ရင် ၅ စက္ကန့်နားပြီး နောက်ထပ် ၄ ကြိမ် ထပ်လုပ်ပေးပါ။

source:www.stylecraze.com