လတ်တလော ရေပန်းစားလူကြိုက်များနေတဲ့ မိန်းကလေးကေပေါ့အဖွဲ့သစ် (၅) ဖွဲ့

တစ်နှစ်နဲ့တစ်နှစ် မရိုးရအောင် အဖွဲ့သစ်တွေတစ်ခုပြီးတစ်ခုထွက်နေတဲ့ ကေပေါ့လောကထဲကမှ လတ်တလော တောင်ကိုရီးယားမှာ ပေါ်ပြူလာဖြစ်နေတဲ့ Kpop Girl Group အသစ်ငါးဖွဲ့ကို ဖော်ပြပေးလိုက်ပါတယ်။

ဒီထဲမှာ ကိုယ် Stan တဲ့ အဖွဲ့ပါနေမလားဆိုတာကို ကြည့်လိုက်ရအောင်….

StayC

STAYC အဖွဲ့ကတော့ High Up Entertainment လက်အောက်ကဖြစ်ပြီး Sieun, Seeun, Sumin, J, Isa နဲ့ Yoon ဆိုတဲ့ ကောင်မလေးခြောက်ယောက်နဲ့ဖွဲ့စည်းထားပါတယ်။ ၂၀၂၀ ခုနှစ် နိုဝင်ဘာလ ၁၂ ရက်နေ့မှာ “Star To A Young Culture” အယ်လ်ဘမ်နဲ့ ပွဲဦးထွက်ခဲ့တာဖြစ်ပါတယ်။

Kep1er

Kep1er အဖွဲ့ကတော့ Mnet ကကျင်းပပြုလုပ်ခဲ့တဲ့ Girls Planet 999 အစီအစဥ်ကနေ ဖွဲ့စည်းထားတဲ့ မိန်းကလေးကိုးယောက်အဖွဲ့ဖြစ်ပါတယ်။ Member တွေကတော့ Yujin, Mashiro, Xiaoting, Chaehyun, Dayeon, Hikaru, Huening Bahiyyih, Youngeun, နဲ့ Yeseo တို့ဖြစ်ပြီး သူတို့အဖွဲ့ကိုတော့ WAKEONE Entertainment နဲ့ Swing Entertainment တို့က စီမံနေတာဖြစ်ပြီး ၂ နှစ်နဲ့ ၆ လ လှုပ်ရှားသွားမှာဖြစ်ပါတယ်။ လက်ရှိထွက်ရှိထားတဲ့သီချင်းကတော့ “WA DA DA“ လို့အမည်ရပါတယ်။

Weekly

WEEEKLY အဖွဲ့ကိုတော့ သူတို့ရဲ့သီချင်း After School နဲ့ ပိုပြီးလူသိများကြတာဖြစ်ပြီး IST Entertainment ရဲ့အဖွဲ့ဖြစ်ပါတယ်။ Lee Soojin, Shin Jiyoon, Monday, Park Soeun, Lee Jaehee, Jihan, နဲ့ Zoa ဆိုတဲ့ မိန်းကလေး ၇ ယောက်နဲ့ဖွဲ့စည်းထားပြီး ၂၀၂၀ ခုနှစ် ဇွန်လ ၃၀ ရက်နေ့က Debut လုပ်ခဲ့ကြတာပါ။

NMIX

JYP Entertainmient ကနေပြီး နောက်ထပ်စတင်ပေးလိုက်တဲ့ မိန်းကလေးအဖွဲ့ဖြစ်ပြီး NMIXX လို့ အမည်ပေးထားပါတယ်။ Haewon, Lily, Sullyoon, Jinni, BAE, Jiwoo နဲ့ Kyujin ဆိုတဲ့ မိန်းကလေး ၇ ယောက်ပါဝင်ပြီးတော့ ၂၀၂၂ ခုနှစ် ဖေဖော်ဝါရီ ၂၂ ရက်နေ့ကပဲ “O.O” လို့အမည်ရတဲ့သီချင်းနဲ့ Debut လုပ်ခဲ့ပါတယ်။

IVE

Starship Entertainment ကနေပြီး ၂၀၂၁ ခုနှစ် ဒီဇင်ဘာ ၁ ရက်နေ့က စင်တင်ပေးလိုက်တဲ့ မိန်းကလေးအဖွဲ့သစ် IVE မှာတော့ Yujin, Gaeul, Rei, Wonyoung, Liz, နဲ့ Leeseo ဆိုတဲ့ မိန်းကလေး ၆ ယောက်ပါဝင်ပြီး သူတို့ရဲ့သီချင်းလေးကတော့ “Eleven” လို့ အမည်ရပါတယ်။