K-Drama Fan တွေအတွက် လာမယ့် April မှာ စောင့်မျှော်ကြည့်ရှုရတော့မယ့် K-Drama အသစ် 5 ခုကို ဖော်ပြပေးလိုက်ပါတယ်။ ဘယ်လို Drama တွေဖြစ်မလဲ၊ ဘယ်နေ့တွေမှာ စလွှင့်တော့မလဲဆိုတာကို ကြည့်လိုက်ရအောင်။
Parasyte: The Grey
Japan Manga Series တစ်ခုဖြစ်တဲ့ Parasyte ကို အခြေခံပြီး ရိုက်ကူးထားတာ ဖြစ်ပါတယ်။ ကမ္ဘာမြေပေါ်ကိုရောက်လာတဲ့ ကပ်ပါးကောင်တွေက လူသားတွေရဲ့ ခန္ဓာကိုယ်ကိုအသုံးချပြီး ကမ္ဘာကြီးကို သိမ်းပိုက်ဖို့ ကြိုးစားတာကို ရိုက်ကူးထားတာဖြစ်ပါတယ်။ April 5 ရက်နေ့မှာ စတင်ပြသမှာဖြစ်ပြီး Jeon Sonee နဲ့ Koo Kyo-hwan တို့ကတော့ အဓိက Cast တွေဖြစ်ပါတယ်။
Lovely Runner
Kim Hye-yoon နဲ့ Byeon Woo-seok တို့ရဲ့ Lovely Runner ဆိုတဲ့ Romance Drama ကိုတော့ April 8 ရက်နေ့မှာ စတင်ပြသမှာပါ။ Kim Hye-yoon က ဒဏ်ရာတစ်ခုရပြီးနောက် သူမရဲ့ ဒါရိုက်တာဖြစ်ချင်တဲ့ အိပ်မက်တွေကို စွန့်လွှတ်ခဲ့တဲ့ အမျိုးသမီး Im Sol အဖြစ် သရုပ်ဆောင်ထားပါတယ်။ သူမရဲ့ Idol Ryu Sun Jae က သေဆုံးသွားတဲ့အခါမှာ လွန်ခဲ့တဲ့ 15 နှစ်ကို ပြန်ရောက်သွားပြီး သူမရဲ့ Idol ဖြစ်သူ Ryu Sun Jae ကို အထက်တန်းကျောင်းသားအနေနဲ့ ပြန်လည်တွေ့ဆုံရမှာ ဖြစ်ပါတယ်။ အဲ့နောက်ပိုင်းမှာတော့ ဘယ်လိုတွေ Romance ဖြစ်မလဲဆိုတာကို April 8 ရက်နေ့မှာ ကြည့်ရပါတော့မယ်။
Blood Free
Ju Ji-hoon နဲ့ Han Hyo-joo တို့ရဲ့ Blood Free ဆိုတဲ့ Drama ကတော့ April 10 ရက်နေ့မှာ စတင်ပြသမှာပါ။ ဒီ Drama မှာတော့ Han Hyo-joo ကို CEO အဖြစ်နဲ့ မြင်တွေ့ရမှာဖြစ်ပြီး Ju Ji-hoon ကတော့ Bodyguard အဖြစ်နဲ့ မြင်တွေ့ရမှာ ဖြစ်ပါတယ်။
Missing Crown Prince
EXO-L တွေအတွက် Suho ရဲ့ Missing Crown Prince ဆိုတဲ့ Drama လေးကတော့ April 13 ရက်နေ့မှာ စတင်ပြသတော့မှာပါ။ မင်းသမီးကတော့ Hong Ye-ji ဖြစ်ပါတယ်။
Chief Detective 1958
April 19 ရက်နေ့မှာပြသမယ့် Chief Detective 1958 မှာတော့ Lee Jehoon နဲ့ Lee Dong Hwi တို့က အဓိကပါဝင်ထားပါတယ်။ အမှုတွေကိုဖော်ထုတ်သွားမယ့် 1958 က စုံထောက်သူငယ်ချင်း 4 ယောက်ရဲ့ ဇာတ်လမ်းဖြစ်ပါတယ်။ စိတ်ဝင်စားဖို့ကောင်းတဲ့ Drama ကောင်းတစ်ခု ဖြစ်လာမှာပါ။
