ခြေဖဝါးက Dead Skin Cells တွေကို ဖယ်ရှားပစ်နိုင်မယ့် သဘာဝနည်းလမ်း ၅ မျိုး

ခြေဖဝါးမှာ Dead Skin Cells တွေများနေရင် ခြေဖဝါးခြောက်တာ၊ ခြေဖနောင့်ကွဲတာ၊ ကြမ်းတမ်းတာတွေ ဖြစ်စေပါတယ်။ ဒါကြောင့် ခြေဖဝါးက Dead Skin Cells တွေကို ဖယ်ရှားပစ်နိုင်မယ့် သဘာဝနည်းလမ်း ၅ မျိုးကို မျှဝေပေးလိုက်ပါတယ်။ သဘာဝနည်းလမ်းတွေဖြစ်တာကြောင့် အိမ်မှာ အလွယ်တကူလုပ်လို့ရတော့ အဆင်ပြေပါတယ်။

Exfoliate လုပ်ပါ

ခြေဖဝါးကိုလည်း တစ်ပတ်တစ်ခါ (သို့) တစ်ပတ်နှစ်ခါ Scrub တိုက်ကာ Exfoliate လုပ်ပေးပါ။ ဒါမှ Dead Skin Cells တွေကို ဖယ်ရှားပေးနိုင်ပြီး အသားအရေလည်း ပိုကောင်းလာမှာပါ။ Body Scrub တိုက်တိုင်းမှာ ခြေဖဝါးကို ချန်ခဲ့ကြတာများပါတယ်။ ဒါကြောင့် အခုကစပြီး ခြေဖဝါးကိုလည်း ဂရုတစိုက်တိုက်ပေးပါ။

Moisturizer လိမ်းပါ

ခြေဖဝါးကိုလည်း အမြဲတမ်း Moisturizer လိမ်းပေးပါ။ Lotion ဖြစ်ဖြစ်၊ Foot Cream ဖြစ်ဖြစ် အဆင်ပြေတာ လိမ်းပေးလို့ရပါတယ်။ Exfoliate လုပ်ပြီးတိုင်းလည်း Moisturizer လိမ်းဖို့မမေ့ပါနဲ့။ ဒါမှ အသားခြောက်တာတွေ သက်သာပြီး အသားအရေလည်း နူးညံ့လာပါမယ်။

Pumice Stone နဲ့တိုက်ပါ

ရေချိုးတိုင်းမှာ ဖြေဖဝါးနဲ့ ခြေဖနောင့်နဲ့ကို Pumice Stone နဲ့တိုက်ပေးပါ။ Dead Skin Cells တွေကို ဖယ်ရှားပေးပြီး ခြေဖဝါးကြမ်းတမ်းတာ၊ ကွဲအက်တာတွေ သက်သာစေပါတယ်။

ရေနွေးစိမ်ပါ

ခြေထောက်ကို ရေနွေးစိမ်ပေးပါ။ ဆားထည့်ပြီးစိမ်ပေးရင် ပိုကောင်းပါတယ်။ အပူထွက်ပြီး ခြေထောက်အနံ့နံတာ သက်သာပျောက်ကင်းစေတယ်၊ Dead Skin Cells တွေကိုလည်း ဖယ်ရှားပေးပါတယ်။

ခြေအိတ်စွတ်အိပ်ပါ

အိပ်ယာဝင်ခါနီးမှာ ခြေထောက်ကို ခြေဖဝါးပါမကျန် Moisturizer လိမ်းပေးပါ။ ပြီးရင် ခြေအိတ်စွတ်ပြီးအိပ်ပါ။ ခြေဖဝါးနူးညံ့ပြီး ကြမ်းတမ်းတာ၊ ကွဲအက်တာတွေ သက်သာစေပါတယ်။