K-Drama ကြိုက်သူတိုင်းကြည့်သင့်တဲ့ လတ်တလောပြသနေတဲ့ ဇာတ်လမ်းကောင်း ၅ ခုကို မျှဝေပေးလိုက်ပါတယ်။ Ongoing drama တွေဖြစ်တာကြောင့် အသစ်ပဲကြည့်ချင်တဲ့သူတွေအတွက်လည်း ကွက်တိပါပဲနော်။ နောက်ထပ်အသစ်တွေကလည်း ထွက်အုံးမှာမို့ K-Drama ကြိုက်ရင်တော့ ဒီ Drama ၅ ခုကို ကြည့်ကြည့်ဖို့ Recommend ပေးပါတယ်။
Hometown Cha Cha Cha
ဒီ Drama လေးကတော့ August 28 ကမှ စတင်ပြသခဲ့တဲ့ Ongoing drama ဖြစ်ပြီး စတင်ပြသတဲ့ရက်မှာပဲ Rating အမြင့်ဆုံးရရှိခဲ့တာပါ။ ပါးချိုင့်လေးနှစ်ယောက်ကို ကြည့်ရမယ့်အပြင် ရှုခင်းတွေကလည်း အရမ်းလှတာကြောင့် ဒီ Drama ကိုကြည့်ရင် စိတ်ပျော်ရွှင်ကြည်နူးမှုရစေလို့ Must Watch ပါပဲ။
Lovers of the Red Sky
Lovers of the Red Sky ဆိုတဲ့ Ongoing drama လေးကတော့ August 30 ကမှ စတင်ပြသခဲ့တာပါ။ ဒီ Drama လေးက နန်းတွင်းကားပေမယ့် ကြည်နူးစရာကောင်းတဲ့ လူငယ်အချစ်ဇာတ်လမ်းလိုမျိုးဖြစ်လို့ K-Drama ကြိုက်ရင် ကြည့်သင့်ပါတယ်။
The Road: Tragedy of One
The Road: Tragedy of One ကတော့ August 4 စတင်ပြသခဲ့တဲ့ Ongoing drama ဖြစ်ပြီး September 9 မှာ ဇာတ်သိမ်းမှာပါ။ ဇာတ်လမ်းကတော့ ကိုရီးယားနိုင်ငံရဲ့ 1% သာနေနိုင်တဲ့ Royal The Hill ဆိုတဲ့နေရာက ဒိတ်ဒိတ်ကြဲလူတွေရဲ့ အရှုပ်တော်ပုံတွေကို စိတ်ဝင်စားစွာနဲ့ကြည့်ရမယ့် Drama ကောင်းတစ်ခုမို့ မကြည့်ရသေးရင် ကြည့်ကြည့်ပါ။
Hospital Playlist 2
Hospital Playlist 2 ကတော့ June 17 ကနေစတင်ပြသခဲ့တဲ့ Ongoing drama ဖြစ်ပြီး September 16 မှာ ဇာတ်သိမ်းမှာပါ။ Season 1 ကြည့်ဖူးသူတိုင်းကတော့ Season 2 ကိုလည်း ကြည့်ပါတယ်။ မကြည့်ရသေးတဲ့သူတွေဆိုရင်တော့ ကြည့်ကြည့်ဖို့ Recommend ပေးပါတယ်။ ဒီ Drama လေးကိုကြည့်ရတာလည်း စိတ်ပျော်ရွှင်မှု၊ စိတ်ခွန်အား ရစေပါတယ်။
D.P.
D.P. ကတော့ Ongoing Drama မဟုတ်ပါဘူး။ ဒါပေမယ့် August 27 ကမှထွက်ထားတာဖြစ်ပြီး အပိုင်းကလည်း ၆ ပိုင်းပဲရှိပါတယ်။ ဇာတ်လမ်းကောင်းဖြစ်တာကြောင့် အက်ရှင်ကားကြိုက်တဲ့သူတွေ ကြည့်သင့်ပါတယ်။ ဒီ Drama က မကြည့်ရသေးတဲ့သူတွေများလို့ မျှဝေပေးလိုက်ပါတယ်။
