အရင်တုန်းကခင်တယ်… ခုချစ်ရတဲ့… သူငယ်ချင်းချစ်သူလေးရယ်… ဆိုတာမျိုးကိုမှ ကြိုက်တဲ့သူတွေရှိလား ? ငယ်ငယ်ကတည်းက သိခဲ့ကြတဲလူနှစ်ယောက် အရွယ်ရောက်လာတဲ့အခါ 1500 အချစ်ကို ပြောင်းသွားတဲ့ ကြည်နူးစရာ အချစ်ဇာတ်လမ်းမျိုးမှ ကြိုက်တဲ့ K Drama ချစ်သူတွေအတွက် လက်မလွှတ်ဘဲကြည့်သင့်တဲ့ ဇာတ်ကားတချို့ကို ဝေမျှပေးချင်ပါတယ်။
1. ‘Soundtrack’
Han So-hee နဲ့ Park Hyung-sik တို့ ပါဝင်သရုပ်ဆောင်ထားတဲ့ ဒီဇာတ်လမ်းတွဲကတော့ နှစ် 20 ကြာ ခင်မင်ရင်းနှီးခဲ့ကြတဲ့ သူငယ်ချင်းနှစ်ယောက် အိမ်တစ်အိမ်ထဲ နှစ်ပတ်ကြာနေပြီးနောက် သူငယ်ချင်းအဆင့်ကနေ ချစ်သူအဆင့်ပြောင်းသွားတဲ့ ကိုရီးယားအချစ်ဒရာမာဇာတ်ကားပါ။
2. ‘Weightlifting Fairy Kim Bok-joo’
နာမည်ကြီး rom-com ကိုရီးယားဒရာမာတစ်ခုဖြစ်တဲ့ ဒီဒရမ်မာက ငယ်သူငယ်ချင်းဖြစ်ကြတဲ့ အလေးမသမား Kim Bok joo နဲ့ ရေကူးသမား Jung Joon hyung တို့ရဲ့ တစ်ယောက်ကိုတစ်ယောက် ပံ့ပိုးပေးရင်း ဖြစ်လာတဲ့အချစ်ဇာတ်လမ်းလေးပါ။
3. ‘She Was Pretty’
Park Seo-joon နဲ့ Hwang Jung-eum တို့ အဓိကပါဝင်သရုပ်ဆောင်ထားတဲ့ ဒီဇာတ်လမ်းကတော့ ငယ်သူငယ်ချင်းလေးနဲ့ ကိုရီးယားဖက်ရှင်ကုမ္ပဏီတစ်ခုမှာ ပြန်တွေ့တဲ့အခါ ဖြစ်လာတဲ့အချစ်ကို ပုံဖော်ထားတာပါ။
4. ‘Just Between Lovers’
ငယ်ငယ်တုန်းက ကြေကွဲဖွယ်ဖြစ်ရပ်တစ်ခုအပြီး ပြန်ဆုံကြတဲ့ ငယ်သူငယ်ချင်းနှစ်ယောက်ဖြစ်တဲ့ Lee Kang Doo နဲ့ Ha Moon Soo တို့နှစ်ယောက်ဟာ သူတို့ရဲ့အတိတ်ကို ကျော်ဖြတ်ပြီး ပျော်ရွှင်မှုကို အတူတကွရှာဖွေရင်း အခက်အခဲပေါင်းများစွာကို ဖြတ်သန်းကြရင်း ဖြစ်လာတဲ့သူငယ်ချင်းအချစ်ကို Lee Jun-ho နဲ့ Won Jin-ah တို့က အဓိကပါဝင်သရုပ်ဆောင်ထားပါတယ်။
5. ‘Fight for My Way’
နောက်ထပ်နာမည်ကြီးတဲ့ ကိုရီးယားဒရာမာကတော့ ‘Fight For My Way’ ဖြစ်ပြီး အဓိကဇာတ်ဆောင်တွေအဖြစ် Park Seo-joon နဲ့ Kim Ji-won တို့ ပါဝင်ထားပါတယ်။ ဇာတ်လမ်းကတော့ အသက်ရှင်ဖို့ ၊ အောင်မြင်မှုရဖို့ တိုက်ပွဲဝင်နေကြတဲ့ ရည်မှန်းချက်ကြီးတဲ့သူငယ်ချင်းတွေကြားက ဖြစ်လာတဲ့အချစ်ဇာတ်လမ်းလေးပါ။
