အလှကြိုက်တဲ့ မိန်းကလေးတွေအတွက် အိတ်ထဲမှာ အမြဲထည့်ပြီး ဆောင်ထားသင့်တဲ့ မိတ်ကပ်ပစ္စည်း ၅ မျိုးရှိပါတယ်။ ဒီ ၅ မျိုးကို ထည့်ထားရုံနဲ့ နောက်ကျလို့ အလှမပြင်ပဲ သွားခဲ့ရင်လည်း အဆင်ပြေတဲ့နေရာမှာ ထုတ်ပြင်လို့ရသလို အလုပ်သွား၊ အပြင်သွားလို့ မိတ်ကပ်ပျက်လာရင်လည်း ပြန်ပြီး ပြင်လို့အဆင်ပြေပါတယ်။

Powder Pact

မျက်နှာမဲလာပြီ၊ ချွေးတွေထွက်ပြီး မိတ်ကပ်ပျက်လာပြီဆိုရင် Powder Pact လေး လိမ်းလိုက်ရင် ပြန်လှသွားမှာပါ။ Powder Pact ကတော့ ဘယ်သွားသွား ယူသွားသင့်တဲ့ ပစ္စည်းပါပဲ။

နှုတ်ခမ်းနီ

နှုတ်ခမ်းနီကလည်း ဘယ်သွားသွား ယူသွားသင့်တဲ့ ပစ္စည်းပါ။ ပင်ပန်းနေတဲ့ရုပ် ဖြစ်နေရင်တောင် နှုတ်ခမ်းနီ အရောင်တောက်တာလေး ဆိုးလိုက်ရင် မျက်နှာလေးလင်းပြီး လှသွားမှာပါ။ အလှပြင်ဖို့ အချိန်မရရင်တောင် အဆင်ပြေတဲ့နေရာမှာ နှုတ်ခမ်းနီဆိုးပြီး အဲ့နှုတ်ခမ်းနီနဲ့ပဲ ပါးနီခြယ်၊ မျက်လုံးခြယ်တာတွေ လုပ်လို့ရပါတယ်။

Eyebrow Pencil

လူတစ်ယောက်ရဲ့မျက်နှာမှာ မျက်ခုံးမွှေးက အသက်ပါပဲ။ ဒါကြောင့် မိတ်ကပ်ပြင်ဖို့ အချိန်မရခဲ့ရင် Eyebrow Pencil သာယူသွားပါ။ အဆင်ပြေတဲ့နေရာ ဆွဲလိုက်ရင် ရပါပြီ။

Concealer

မိတ်ကပ်မလိမ်းလာရင်တောင်မှ Concealer နဲ့ မျက်ကွင်းညိုတာတွေ၊ အသားအရောင်မညီတဲ့နေရာတွေကို ဖုံးလိုက်ပြီး Powder Pact လိမ်းလိုက်ရင် အဆင်ပြေသွားပါပြီ။ အပြင်သွားရင်းနဲ့ပဲဖြစ်ဖြစ်၊ ရုံးမှာပဲဖြစ်ဖြစ် ပင်ပန်းလို့ မျက်ကွင်းတွေညိုမဲလာရင်လည်း Concealer နဲ့ ဖုံးလို့ရပါတယ်။

Facial Mist

Facial Mist ထုတ်ဖြန်းပေးတာက Fresh ဖြစ်စေပြီး အသားအရေကိုလည်း Hydrating ဖြစ်စေပါတယ်။ နွေရာသီနဲ့ ဆောင်းရာသီမှာဆိုရင် ပိုတောင်ဆောင်ထားသင့်ပါတယ်။ အဆင်ပြေသလို ထုတ်ဖြန်းလို့ရတာကြောင့် ဖြစ်နိုင်ရင် အိတ်ထဲထည့်ထားပါ။