မိတ်ကပ်ပြင်ချင်ပေမယ့် ပိုက်ဆံလည်းချွေတာချင်တဲ့သူတွေအတွက် အဓိကလိုအပ်တဲ့ပစ္စည်း ၅ မျိုး

မိတ်ကပ်ပြင်ချင်ပေမယ့် ပိုက်ဆံလည်း ချွေတာချင်တဲ့သူတွေအတွက် အဓိကရှိထားဖို့လိုအပ်တဲ့ မိတ်ကပ်ပစ္စည်းက ၅ မျိုးပဲရှိပါတယ်။ ဒီ ၅ မျိုးသာရှိရင် ကျန်တဲ့မိတ်ကပ်ပစ္စည်းတွေက မဝယ်ထားလည်း အဆင်ပြေပါတယ်။

Primer

Primer ကိုတော့ မဝယ်ပဲမနေသင့်ပါဘူး။ မိတ်ကပ်သားကြာရှည်ခံပြီး အချိန်ကြာလာရင် လိမ်းထားတဲ့မိတ်ကပ်က မဲပြီးကွက်တာမျိုးတွေ မဖြစ်လာစေဖို့ Primer လိမ်းဖို့ လိုပါတယ်။

Foundation

Foundation ကိုတော့ ကိုယ်နဲ့အဆင်ပြေပြီး ဈေးသင့်တင့်တာလောက်သုံးရင် ရပါတယ်။ အဓိကကတော့ ဈေးကြီးဖို့ထက် ကိုယ့်အသားအရေနဲ့ အဆင်ပြေဖို့က အရေးကြီးပါတယ်။ နောက်တစ်ခုကတော့ လက်နဲ့မလိမ်းပဲ makeup sponge လေးနဲ့ လိမ်းပေးဖို့ လိုပါတယ်။

Setting Powder

Foundation လိမ်းပြီးရင် setting powder လေး ထပ်ပုပ်လိုက်မှ perfect ဖြစ်သွားတာပါ။ ဒါကြောင့် မရှိမဖြစ်ဝယ်ထားသင့်တဲ့ထဲမှာ ပါပါတယ်။

နှုတ်ခမ်းနီ

နှုတ်ခမ်းနီကို ဘယ်အချိန်ပဲသုံးသုံး အဆင်ပြေတဲ့အရောင်မျိုး ရွေးဝယ်ထားပါ။ နှုတ်ခမ်းနီသာရှိရင် eyeshadow ကိုလည်း နှုတ်ခမ်းနီနဲ့ ခြယ်လို့ရသလို ပါးနီကိုလည်း နှုတ်ခမ်းနီနဲ့ ခြယ်လို့ရပါတယ်။ တစ်မျိုးထဲနဲ့ ၃ နေရာသုံးလို့ရတာကြောင့် အရမ်း budget ဖြစ်ပါတယ်။

Eyebrow Pencil or Eyebrow Gel

မျက်ခုံးမွှေးကတော့ မျက်နှာတစ်ခုလုံးမှာအသက်ဖြစ်လို့ လှလှလေးဆွဲရပါမယ်။ ဒါကြောင့် eyebrow pencil or eyebrow gel လိုပါတယ်။ Eyebrow pencil or eyebrow gel ရှိရင် eyeliner လည်း သီးသန့်ဝယ်စရာမလိုပါဘူး။ Budget ချွေတာချင်ရင် သူ့ကိုလည်း eyeliner အဖြစ်နဲ့ သုံးလို့ရပါသေးတယ်။