အတိုမဝတ်တဲ့ကောင်မလေးတိုင်းမှာရှိထားသင့်တဲ့ဖက်ရှင် ၅ မျိုး

တချို့ကောင်မလေးတွေဆိုရင် အတိုလုံးဝမဝတ်ပါဘူး။ အတိုဝတ်မှ ဖက်ရှင်ကျတာလှတာမဟုတ်ပါဘူး။ အရှည်လေးတွေဝတ်ပြီးတော့လည်း စတိုင်လ်ကျကျ၊ ဖက်ရှင်ကျကျ ရှိုုးထုတ်လို့ရပါတယ်။ ဒါကြောင့် အတိုမဝတ်တဲ့ကောင်မလေးတိုင်းမှာ ရှိထားသင့်တဲ့ ဖက်ရှင် ၅ မျိုးကို ဖော်ပြပေးလိုက်ပါတယ်။

Jeans Pants

Jeans Pants ဆိုတာကတော့ မရှိမဖြစ်ပါပဲနော်။ အတိုမဝတ်တဲ့သူတွေဆိုရင် Jeans Pants ကို ဒီဇိုင်းမျိုးစုံ ဝယ်ထားသင့်ပါတယ်။ အနက်ရောင်ဂျင်းအကျပ်လေးနဲ့ အဖြူရောင်ဂျင်းအကျပ်လေးကလည်း တစ်ထည်စီလောက်တော့ ရှိထားသင့်ပါတယ်။

ဂျင်းအရောင်ကိုမှ အောက်ရှူးအကျပ်လေးတွေ၊ ဒဲ့ပွလေးတွေ၊ အောက်နားရောက်မှကားသွားတဲ့ ခေါင်းလောင်းဘောင်းဘီ ပုံစံလေးတွေဆိုရင် အခုနောက်ပိုင်းမှာ အရမ်းဝတ်လာကြပါတယ်။ ဒီလိုဒီဇိုင်း ၃ မျိုးလောက်ရှိရင်လည်း ဘယ်လိုအင်္ကျီနဲ့မဆို လိုက်ဖက်တာကြောင့် တော်တော်အဆင်ပြေနေပါပြီ။

Long Trousers

Long Trousers ဘောင်းဘီလေးတွေက အခုနောက်ပိုင်းမှာ မိန်းကလေးတိုင်းလိုလို ဝတ်လာကြပါတယ်။ သူ့မှာလည်း ဒီဇိုင်းကအမျိုးမျိုးရှိတာကြောင့် ကိုယ်ကြိုက်တဲ့ဒီဇိုင်းကိုဝယ်ပြီး ရောင်စုံဝယ်ဝတ်လို့လည်း ရပါတယ်။ ဒီဘောင်းဘီလေးတွေကျတော့ ကိုယ်တွဲဝတ်တဲ့အင်္ကျီပေါ်မူတည်ပြီး ဖက်ရှင်ပုံစံပြောင်းသွားစေတာကြောင့် မရှိမဖြစ်ဝယ်ထားသင့်ပါတယ်။

Drawstring Pants

ခပ်မိုက်မိုက်ပုံစံလေးတွေ၊ လူငယ်ဆန်ပြီး ပေါ့ပါးတဲ့ပုံစံလေးတွေကြိုက်ရင်တော့ အတိုမဝတ်တဲ့သူတွေအနေနဲ့ Drawstring Pants တွေကို ဝယ်ထားသင့်ပါတယ်။ ဒီဘောင်းဘီကျတော့ အနက်တစ်ထည်၊ မီးခိုးရောင်လေးတစ်ထည်ရှိရင်ပဲ တော်တော်အဆင်ပြေနေပါပြီ။

Long Dress

အတိုမဝတ်တဲ့သူတွေကတော့ ဂါဝန်ရှည် Long Dress လေး ဝယ်ထားသင့်ပါတယ်။ ခရီးသွားရင်လည်း အဆင်ပြေသလို၊ နွေရာသီလိုပူတဲ့အချိန်မှာ အပြင်သွားရင်လည်း ဝတ်လို့အဆင်ပြေပါတယ်။ မိန်းကလေးဆန်ပြီးလှတဲ့ ဖက်ရှင်လေးပါ။

Long Skirts

အတိုမဝတ်ရင်တော့ စကပ်အရှည် Long Skirts တွေ ဝယ်ထားရမှာပါပဲ။ ကိုယ်သွားမယ့်နေရာပေါ်မူတည်ပြီး ဖက်ရှင်အမျိုးမျိုးကို လိုက်ဖက်အောင်ဝတ်ရင်တော့ ဘာဝတ်ဝတ်ကိုလှနေမှာပါ။ Long Skirts လေးတွေဆိုရင် ခရီးသွားလည်းအဆင်ပြေသလို၊ ခုနကလိုပဲ နွေရာသီလိုပူတဲ့အချိန်မှာ အပြင်သွားရင်လည်း ဝတ်လို့အဆင်ပြေပါတယ်။