ကိုးရီးယား ဇာတ်လမ်းတွဲတွေက တစ်ကားထက် တစ်ကား ပိုပြီးတော့ စိတ်ဝင်စားဖို့ ကောင်းလာသလို ဇာတ်လမ်းထဲက ဇာတ်ကောင် စုံတွဲတွေရဲ့ Chemistry မိမိ သရုပ်ဆောင်ချက်တွေကလည်း ပိုထူးခြားလာပါတယ်။
သင် အရမ်းသဘောကျပြီး အရမ်း သဘောတူတဲ့ စုံတွဲတွေရဲ့ ဇာတ်ဝင်ခန်းတွေကို ကြည့်နေရမယ်ဆိုရင် သွားအအေး ပတ်တဲ့အထိ ပြုံးနေရမှာ မလွဲမသွေပါပဲ။ သူတို့ နှစ်ယောက်ကို ကြည့်နေရတာကိုက သင့်အတွက် အားဆေးတစ်ခွက်ပါ။ ဇာတ်လမ်းထဲက စုံတွဲကို သင်က သဘောတူတယ်ဆိုရင် အပြင်မှာပါ Dating သတင်းထွက်စေချင်တဲ့အထိပါပဲ။
အခုဖော်ပြထားတဲ့ K-Drama Couple တွေကနေ ၂၀၂၁ ကနေ ၂၀၂၂ အတွင်း ပရိတ်သတ်တွေ အ Ship ဆုံး၊ အပြင်မှာပါ တွဲဖို့ အမျှော်လင့်ဆုံး အတွဲတွေ ဖြစ်ပါတယ်။ ဒီထဲပါတဲ့ အတွဲတစ်တွဲကတော့ ပရိတ်သတ်တွေရဲ့ ဆန္ဒအတိုင်း အပြင်မှာပါ တွဲသွားပါပြီ။ ဘယ်အတွဲတွေ ဖြစ်မလဲ ရင်ခုန်စွာ ကြည့်လိုက်ရအောင်။
Jisoo နဲ့ Jung Haein (Snowdrop)
Jisoo နဲ့ Jung Haein ရဲ့ Visual အပြင် ဇာတ်ကားထဲ Chemistry မိမိ သရုပ်ဆောင်နိုင်တာကြောင့် ပရိတ်သတ်တွေက သဘောတူကြပါတယ်။
Son Yejin နဲ့ Hyunbin
ဒီအတွဲကတော့ အပြင်မှာပါ တကယ်လက်တွဲသွားပြီး ဇာတ်ကား နှစ်ကားမှာ တွဲရိုက်ခဲ့ဖူးတဲ့ စုံတွဲပါ။ Son Yejin နဲ့ Hyunbin ပရိတ်သတ်တွေကတော့ ကံကောင်းတာပါပဲ။
Kim Dami နဲ့ Choi Wooshik
Kim Dami နဲ့ Choi Wooshik က Son Yejin နဲ့ Hyunbin လိုပဲ ဇာတ်ကားနှစ်ကားမှာ တွဲသရုပ်ဆောင်ဖူးသူတွေ ဖြစ်ပါတယ်။ နှစ်ယောက်လုံးက အတူ တွဲလိုက်မှ ပိုကြည့်ကောင်းသွားတဲ့ အတွဲဖြစ်တာမို့ ပရိတ်သတ်တွေက Son Yejin နဲ့ Hyunbin လို Dami နဲ့ Choi Wooshik ကိုလည်း အပြင်မှာပါ တွဲစေချင်ကြပါတယ်။
Choi Yihyun နဲ့ Park Solomon
လူငယ် သရဲဇာတ်လမ်းဖြစ်တဲ့ “All of us are dead” ထဲက မင်းသားနဲ့ မင်းသမီး Choi Yihyun နဲ့ Park Solomon ကိုလည်း ပရိတ်သတ်တွေက Ship ကြပါတယ်။ နှစ်ယောက်လုံးက မျက်နှာဆင်တူလေးတွေမို့ Ship ခံရတာလည်း မမှားပါဘူး။
Lee Dohyun နဲ့ Go Minsi
မျက်နှာကျ တည်ငြိမ်ပြီး Aura တူတဲ့ Lee Dohyun နဲ့ Go Minsi ကိုတော့ “Youth of May” မှာ တွဲမြင်ရမှာပါ။ သူတို့နှစ်ဦးကလည်း ပရိတ်သတ်တွေ အ Ship ဆုံး စုံတွဲထဲ ပါဝင်ပါတယ်။
Lee Dongwook နဲ့ Yoo Inna
Goblin ဇာတ်လမ်းပြီးထဲက ပရိတ်သတ်တွေရဲ့ အာရုံက ဒုတိယ Couple ဖြစ်တဲ့ Lee Dongwook နဲ့ Yoo Inna ဆီကိုပဲ ရောက်နေခဲ့ပါတယ်။ ပရိတ်သတ်တွေရဲ့ ဆန္ဒအတိုင်း Lee Dongwook နဲ့ Yoo Inna ကလည်း “Touch your heart” ဆိုတဲ့ ဇာတ်လမ်းမှာ အတွဲညီညီ သရုပ်ဆောင်ထားကြပါတယ်။ ကြည့်လေ စိတ်ချမ်းသာလေ ဆိုတဲ့အထဲ ဒီစုံတွဲလည်း ပါ ပါတယ်။
ဒီ Couple တွေထဲ ဘယ်စုံတွဲကို သင် သဘောအတူဆုံးလဲ ပြောပြခဲ့ပါဦး။ တခြား သဘောတူတဲ့ ဇာတ်ကားထဲက Couple တွေ ရှိရင်လည်း ပြောပြခဲ့ပါဦးနော်။
Photo Source: Pinterest
By MyStyle Myanmar
