ကိုယ်အလေးချိန်ကျအောင် ကူညီပေးနိုင်မယ့် Morning Drink ( 5 ) မျိုး

ဝိတ်ကျဖို့အတွက်က ကယ်လိုရီနည်းတဲ့ အစားအသောက်တွေကို စားပြီး ပုံမှန်လေ့ကျင့်ခန်းလုပ်တဲ့အပြင် မနက်ပိုင်းမှာ အခုပြောပြမယ့် Morning Drink တွေကို ပုံမှန်သောက်ပေးမယ်ဆိုရင် ကိုယ်အလေးချိန်ကို မြန်မြန်ကျစေဖို့ ကူညီပေးပါတယ်။

1. သံပုရာရေနွေးနွေး

မနက်ပိုင်းမှာ သံပုရာရေနွေးနွေးလေးသောက်ပေးရင် ဇီဝကမ္မဖြစ်စဉ်ကို မြှင့်တင်ပေးပြီး ကိုယ်အလေးချိန်ကို လျော့ကျစေပါတယ်။ ဒီဖျော်ရည်က ခန္ဓာကိုယ်ကို ရေဓာတ်ဖြည့်ပေးပြီး အဆိပ်အတောက်တွေကို ဖယ်ရှားပေးပါလိမ့်မယ်။

2. ရေနွေးကြမ်း

Catechins လို့ခေါ်တဲ့ Antioxidants တွေပါတဲ့ လက်ဖက်စိမ်းက ဇီဝကမ္မဖြစ်စဉ်ကို မြှင့်တင်ပေးပြီး ကိုယ်အလေးချိန်ကို လျော့ကျစေပါတယ်။ ဗိုက်အဆီတွေကျဖို့အတွက်ဆို ပူစီနံအရွက်နည်းနည်းကို ရေနွေးကြမ်းထဲ ထည့်သောက်ပေးပါ။

3. ဇီယာစေ့ရေ

ဒါကလည်း ကိုယ်အလေးချိန် လျှော့ချဖို့ အကောင်းဆုံး Morning Drink တွေထဲက တစ်ခုပါ။ ဇီယာစေ့လက်ဖက်ရည်ဇွန်းတစ်ဇွန်းကို ရေတစ်ဖန်ခွက်ထဲထည့်ပြီး တစ်ညစိမ်ထားပြီး မနက်ခင်းမှာသောက်ပေးရင် ဇီဝဖြစ်ပျက်မှုကို မြှင့်တင်ပေးတဲ့အပြင် အစာစားချင်စိတ်ကို လျှော့ချပေးပြီး အဆီလောင်ကျွမ်းမှုကို မြှင့်တင်ပေးပါတယ်။

4. Herbal Detox Tea

Dandelion နဲ့ နွယ်ချိုအမြစ်တို့လို ဆေးဖက်ဝင်အပင်တွေနဲ့လုပ်ထားတဲ့ Herbal Detox Tea ကိုသောက်ပေးရင်လည်း ခန္ဓာကိုယ်က အဆိပ်အတောက်တွေကို ဖယ်ရှားပေးပြီး ကိုယ်အလေးချိန်ကျစေပါတယ်။

5. Apple Cider Vinegar

မနက်ပိုင်းမှာပန်းသီးရှာလကာရည်တစ်ဇွန်းကို ရေ ဖန်ခွက်တစ်ဝက်နဲ့ ရောမွှေပြီး သောက်ပေးရင်လည်း ကိုယ်အလေးချိန်ကျဖို့နဲ့ သွေးတွင်းသကြားဓာတ်ပမာဏကို လျှော့ချပေးပြီး ခန္ဓာကိုယ်က အဆိပ်အတောက်များကို ဖယ်ရှားပေးနိုင်ပါတယ်။[/fusion_text][/fusion_builder_column][/fusion_builder_row][/fusion_builder_container]