ပူပြင်းတဲ့နွေရာသီမှာမဝတ်ဆင်သင့်တဲ့ ဖိနပ် ၅ မျိုး

ရာသီဥတုပူပြင်းတဲ့ နွေရာသီမျိုးမှာ အဝတ်အစားတင်ဂရုစိုက်သင့်တာ မဟုတ်ပါဘူး။ ဖိနပ်ကိုလည်း ဂရုစိုက်ပြီး မှန်မှန်ကန်ကန်ရွေးစီးတတ်ဖို့လိုပါတယ်။ ဒါမှ ချွေးအောင်းတာမျိုး၊ စီးရတာ အဆင်မပြေ၊ စိတ်မသက်မသာဖြစ်တာမျိုး၊ ခြေဆီနံ့နံတာမျိုးတွေ မဖြစ်မှာပါ။

အရမ်းမြင့်တဲ့ဖိနပ်တွေ

ပူပြင်းတဲ့နွေရာသီမှာ အရမ်းမြင့်တဲ့ခုံထူဖိနပ်တွေကိုစီးရင် ခြေထောက်နာပြီး ချွေးထွက်တော့ စီးရတာပိုပင်ပန်းစေလို့ မစီးသင့်ပါဘူး။

Strappy High Heel Sandals ဖိနပ်တွေ

ခြေဆီထွက်တတ်တဲ့သူတွေနဲ့ ချွေးအရမ်းထွက်တတ်တဲ့သူတွေဆိုရင် Strappy High Heel Sandals ဖိနပ်တွေနဲ့ အဆင်မပြေပါဘူး။ နွေရာသီမှာဆိုပူတော့ စီးရတာပိုဆိုးပါတယ်။ ခြေဆီထွက်တာနဲ့ ချော်ပြီး လမ်းလျှောက်ရတာ အဆင်မပြေပါဘူး။

High Heel Shoes ဖိနပ်တွေ

High Heel Shoes ဖိနပ်တွေက အပိတ်တွေဖြစ်တဲ့အတွက် နွေရာသီမှာစီးရင် အရမ်းပူပါတယ်။ သက်တောင့်သက်သာမဖြစ်စေပါဘူး။

Flat Soled Shoes ဖိနပ်တွေ

Flat Soled Shoes ဖိနပ်တွေလည်းတူတူပါပဲ။ အပိတ်တွေဖြစ်လို့ ချွေးပိုထွက်စေပါတယ်။ အပူအောင်းနေတဲ့အတွက် နွေရာသီမှာ ပေါ့ပေါ့ပါးပါးဖြစ်စေတဲ့ဖိနပ်လေးတွေပဲ စီးတာပိုကောင်းပါတယ်။

Sneakers Shoes ဖိနပ်တွေ

Sneakers Shoes ဖိနပ်တွေကတော့ နွေရာသီမှာစီးရင် ပိုပူတယ်ဆိုတာ သိပြီးသားဖြစ်မှာပါ။ ခြေဆီထွက်တတ်တဲ့သူတွေနဲ့ဆို ပိုအဆင်မပြေပါဘူး။ ခြေဆီနံ့နံပြီး ခြေအိတ်ဝတ်ရင် ပိုဆိုးပါတယ်။