မျက်နှာပေါ်ကဝက်ခြံနဲ့အမဲစက်တွေကို သေချာဖုံးအုပ်ပေးနိုင်ဖို့ လိုအပ်တဲ့မိတ်ကပ်ပစ္စည်း ၅ မျိုး

မျက်နှာပေါ်မှာရှိနေတဲ့ ဝက်ခြံနဲ့အမဲစက်တွေကို မိတ်ကပ်လိမ်းရင်းနဲ့ သေချာဖုံးအုပ်ပေးနိုင်ဖို့ဆိုရင် အဓိကလိုအပ်တဲ့ မိတ်ကပ်ပစ္စည်းက ၅ မျိုးပဲ ရှိပါတယ်။ Foundation တစ်မျိုးထဲပဲလိမ်းမယ်ဆိုရင်တော့ မျက်နှာပေါ်မှာရှိတဲ့ ဝက်ခြံနဲ့အမဲစက်တွေက မှေးမှိန်သွားနိုင်ပေမယ့် သေချာတော့ ဖုံးအုပ်ပေးနိုင်မှာ မဟုတ်ပါဘူး။ ဒါကြောင့် ဒီမိတ်ကပ်ပစ္စည်း ၅ မျိုးနဲ့ Try ကြည့်လိုက်နော်။

Primer

အရင်ဆုံး Primer လိမ်းပေးဖို့လိုပါတယ်။ Primer က လိမ်းမယ့်မိတ်ကပ် Foundation ကို ညီညာပြီး Smooth ဖြစ်အောင် ကြာရှည်ခံအောင် ထိန်းပေးနိုင်ပါတယ်။ မိတ်ကပ်သားကြာရှည်ခံစေပါတယ်။

Concealer

မျက်နှာပေါ်က ဝက်ခြံနဲ့အမဲစက်တွေကို ဖုံးဖို့အတွက် အရေးအကြီးဆုံးပစ္စည်းကတော့ Concealer ဖြစ်ပါတယ်။ Concealer ကလည်း သေချာမလိမ်းရင် Shade သေချာမရွေးရင် ပြာသွားတာမျိုးတွေ ဖြစ်စေပါတယ်။ ဒါကြောင့် ကိုယ့်အသားအရေနဲ့ ကိုက်ညီမယ့် Concealer Shade ကို သေချာရွေးချယ်ပါ။

Makeup Sponge

Concealer နဲ့ Foundation ကို လက်နဲ့လိမ်းရင် မိတ်ကပ်ကွက်တာ၊ မညီတာတွေ ဖြစ်စေပါတယ်။ ဒါကြောင့် Makeup Sponge နဲ့ပဲ လိမ်းပေးပါ။

Foundation

Foundation သုံးတဲ့အခါမှာလည်း ကိုယ့်အသားအရေနဲ့ ကိုက်ညီတာမျိုး၊ ကိုယ့်အသားအရောင်နဲ့ ကိုက်ညီတာမျိုးကို သေချာရွေးဝယ်ပါ။ ဒါမှ မိတ်ကပ်လိမ်းရတာ အဆင်ပြေပြီး မိတ်ကပ်သားလည်း လှနေမှာပါ။

Setting Powder or Powder Pact

နောက်ဆုံးမှာတော့ ကိုယ်လိမ်းထားတဲ့ Concealer တွေ Foundation တွေကို Lock ချလိုက်သလိုမျိုး သိပ်သိပ်ညက်ညက်လေး ဖြစ်သွားအောင်၊ မိတ်ကပ်သားမရွေ့အောင် Setting Powder or Powder Pact ကို လိမ်းလိုက်ပါမယ်။ ဒါဆိုရင်တော့ မျက်နှာပေါ်မှာရှိတဲ့ ဝက်ခြံနဲ့အမဲစက်တွေကို သေချာဖုံးအုပ်ထားနိုင်ပြီး လှပတဲ့ Look လေးကို ရရှိသွားမှာပါ။