ခေါင်းခဏခဏလျှော်တာက ဆံသားအတွက်လည်း မကောင်းသလို ကျန်းမာရေးအတွက်လည်း မကောင်းပါဘူး။ ပုံမှန် ၅ ရက် တစ်ခါလောက် လျှော်ပေးရင် ရနေပါပြီ။ အဲ့ထက်ပိုလျှော်ချင်ရင်တောင်မှ ၃ ရက်တစ်ခါပဲ လျှော်ပါ။ အဲ့ထက်ပိုပြီး ခဏခဏလျှော်တာက မကောင်းပါဘူး။ ကြာလာရင် ဒီအရာတွေ ဖြစ်လာနိုင်ပါတယ်။

ခေါင်းကိုက်ခြင်း

ခေါင်းခဏခဏလျှော်တဲ့အခါ ကျန်းမာရေးနဲ့ပတ်သက်ပြီး ဘာဖြစ်မလဲဆိုရင်တော့ ခေါင်းကိုက်လာမှာပါ။ ခဏခဏ ခေါင်းထိုးကိုက်ပြီး ဦးခေါင်းနဲ့သက်ဆိုင်တဲ့ ရောဂါတွေ ဖြစ်လာနိုင်ပါတယ်။ ဒါကြောင့် ဆင်ခြင်သင့်ပါတယ်။

ဆံပင်ကျွတ်စေခြင်း

ခေါင်းခဏခဏမလျှော်သင့်တဲ့ အဓိကအကြောင်းအရင်းတစ်ခုကတော့ ဆံပင်ကျွတ်စေလို့ပါပဲ။ ကြာရင် ဆံပင်တွေပါးလာနိုင်ပါတယ်။ ဒါကြောင့် ခေါင်းကိုခဏခဏလျှော်တာ ဆင်ခြင်သင့်ပါတယ်။

ဆံပင်ဖွာလာခြင်း

ခေါင်းခဏခဏလျှော်တဲ့အခါ ဆံသားအတွက်လိုအပ်တဲ့ အဆီဓာတ်တွေဆုံးရှုံးပြီး ဆံပင်တွေဖွာလာမှာပါ။

ဆံပင်တွေငြိပြီးရှုပ်ထွေးစေခြင်း

အပေါ်မှာပြောခဲ့သလိုပဲ ဆံပင်တွေဖွာလာတဲ့အတွက် ဆံပင်တွေငြိပြီး ရှုပ်ထွေးလာမှာပါ။ ဆံပင်တွေငြိပြီး ရှုပ်ထွေးတဲ့အခါမှာတော့ ခေါင်းဖြီးတိုင်း ဆံပင်ကျွတ်လာပါလိမ့်မယ်။

ဆံပင်အဖျားတွေပျက်စီးစေခြင်း

ခေါင်းခဏခဏမလျှော်သင့်တဲ့ နောက်ထပ်အကြောင်းအရင်းကတော့ ဆံပင်ပျက်စီးစေလို့ပါ။ အထူးသဖြင့် ဆံပင်အဖျားတွေပျက်စီးပြီး နှစ်ခွဖြစ်စေပါတယ်။