အလှမပြင်ထားရင်တောင်မှ နှုတ်ခမ်းနီဆိုးလိုက်ရင် မျက်နှာလေးက လှသွားတာမို့ မိန်းကလေးတိုင်းအတွက် နှုတ်ခမ်းနီကတော့ မရှိမဖြစ် လိုအပ်ပါတယ်။ ဒါကြောင့် ဒီတစ်ခါမှာ အသားညိုတဲ့သူတွေနဲ့ လိုက်ဖက်ပြီး လှပနေစေမယ့် နှုတ်ခမ်းနီအရောင် ၅ မျိုးကို ပြောပြပေးလိုက်ပါတယ်။

အနီရောင်

အသားညိုလို့ အနီရောင်နဲ့မလိုက်ဘူးလို့ မထင်လိုက်ပါနဲ့။ ထင်းပြီး အရမ်းလှတာပါ။ ဆွဲဆောင်မှုရှိပြီး Active ဖြစ်တဲ့ပုံစံလေး ဖြစ်နေစေမှာပါ။ ဒါကြောင့် အနီရောင်က အသားညိုတဲ့သူတွေနဲ့ အရမ်းလိုက်ဖက်ပါတယ်။

အညိုရောင်

အသားညိုလို့ အညိုရောင်ဆိုးလိုက်ရင် မပေါ်လွင်တာမျိုး၊ မျက်နှာမှိုင်းသွားတာမျိုး ဖြစ်မှာစိုးလို့ဆိုရင်တော့ အညိုဖျော့ဖျော့လေးတွေကို မဆိုးပါနဲ့။ ဒီလိုအညိုရောင်တွေကိုဆိုးပါ။ အသားညိုလည်း ဆွဲဆောင်မှုရှိပြီး တည်ငြိမ်တဲ့ Look လေးနဲ့ လှနေမှာပါ။

ပန်းခရမ်းရောင်

ပန်းခရမ်းရောင်က အသားညိုတဲ့သူတွေနဲ့ အရမ်းလိုက်တဲ့ အရောင်ပါပဲ။ ထင်းပြီး မျက်နှာလေးလင်းသွားစေပါတယ်။ အသက်ကြီးကြီး ငယ်ငယ် အားလုံးနဲ့လိုက်ဖက်တာလည်း ပန်းခရမ်းရောင်ပါပဲ။

Peach အရောင်

အသားညိုတဲ့သူတွေအတွက် အရောင်မတောက်တဲ့ထဲက လိုက်ဖက်တာဆိုရင်တော့ Peach အရောင်လေးပါပဲ။ နေ့တိုင်းဆိုးဖို့အတွက် အဆင်ပြေပြီး လှလည်းလှပါတယ်။

Rose Pink အရောင်

နောက်ဆုံးအရောင်ကတော့ Rose Pink အရောင်လေးပါ။ မိန်းကလေးဆန်ပြီး ချစ်ဖို့ကောင်းနေစေမယ့် အရောင်လေးပါ။ ပန်းရောင်အရမ်းနုဖတ်တာတွေထက် ဒီလိုအရောင်လေးဆိုးတာက အသားညိုတဲ့သူတွေနဲ့ ပိုပြီးလိုက်ဖက်ပါတယ်။