မင်္ဂလာပါ…. စာဖတ်ပရိတ်သတ်တို့ရေ…. ခန္ဓာကိုယ် အလှဆင်နည်းတမျိုးဖြစ်တဲ့ Tattoo အပေါ် သဘောထားတွေ တဖြည်းဖြည်း ပြောင်းလဲလာကြပေမယ့် ရုပ်ရှင်နဲ့ဇာတ်လမ်းတွဲ တွေမှာ မမြင်ရအောင် အုပ်တတ်တဲ့ အလေ့အထကတော့ ပုံမှန်ရှိနေဆဲပါပဲ။ ကိုရီးယားသရုပ်ဆောင်တွေနဲ့ K-pop idol အများစုမှာ တက်တူးနဲ့ မြင်ရလေ့မရှိကြပေမယ့် Tattoo ကို သဘောကျလို့ ထိုးထားတဲ့သရုပ်ဆောင်တွေလည်းရှိပါသေးတယ်။ ဒါကြောင့် Tattoo ကို သဘောကျလို့ ထိုးထားတဲ့ မင်းသမီးတွေနဲ့ သူတို့ရဲ့ Tattoo တွေကို ဖော်ပြပေးလိုက်ပါတယ်။
Gong Hyo Jin
Camellia Blooms ကြယ်ပွင့် Gong Hyo Jin ရဲ့ ဘယ်ဘက်လက်ညိုးမှာ ငြိမ်းချမ်းရေးသင်္ကေတနဲ့ လက်သူကြွယ်မှာ LOVE ဆိုတဲ့ Mini Tattooလေးနှစ်ခုထိုးထားပါတယ် ။ ဒါပေမယ့် သူမရဲ့မြင်သာဆုံးတက်တူးကတော့ ဘယ်ဘက်လက်မောင်းက လက်ဝါးကပ်တိုင်နဲ့ ဖဲပြားတစ်ခုပါတဲ့ Tattoo ပါ။
Han Ye Seu
Han Ye Seul မှာ တက်တူး 10 ကျော် စုစည်းထားပြီး အများစုမှာ အဓိပ္ပါယ်လေးတွေရှိကြပါတယ်။ သူမရဲ့ ညာဘက်လက်မှာ ထိုးထားတဲ့ မြွေကြီးဟာ အတိတ်ကို ချန်ထားလိုတဲ့ သူ့ရဲ့ဆန္ဒကို ကိုယ်စားပြုပါတယ်။
Bae Suzy
Bae Suzy မှာ တက်တူးနှစ်ခုရှိပေမယ့် မကြာခဏဆိုသလို တွေ့ရတတ်တဲ့ အရာကတော့ သူမရဲ့ ဘယ်လက်ချောင်းအောက်ခြေက အသည်းပုံသေးသေးလေးပါ။ ဒုတိယတက်တူး ကိုတော့ လည်ပင်းအနောက်အနားမှာထိုးထားပြီး အသည်းပုံသေးသေးလေးနဲ့လက်ဝါးကပ်တိုင်တစ်ခုပါဝင်ပါတယ်။
Jung Ryeo Won
သြစတြေးလျနိုင်ငံမှာ ကြီးပြင်းလာတဲ့ ကိုရီးယားမင်းသမီး Jung Ryeo Won ရဲ့လက်မှာတော့ Tattoo တွေအများကြီးရှိပြီး သူထိုးထားတဲ့ “epignosis” ဆိုတဲ့ စကားရဲ့အဓိပ္ပာယ် လေးကိုလည်း Instagram Stories မှာ ဖော်ပြထားပါသေးတယ်။
Han So Hee
The World of the Married မှာ Yeo Da Kyung အဖြစ် သရုပ်ဆောင်ခဲ့တဲ့ Han So Hee ရဲ့လက်မှာတော့ အရင်က Tattoo တွေရှိနေပေမယ့် သရုပ်ဆောင်အလုပ်ကိုလုပ်ဖို့ ဆုံးဖြတ်လိုက်တဲ့အခါမှာတော့ အားလုံးကို ဖြတ်ပစ်လိုက်တယ်လို့ မကြာခဏဆိုသလို ပြောလေ့ရှိပါတယ်။
