Han So Hee ကို ကြိုက်တဲ့သူတွေအနေနဲ့ သူမပါဝင်ထားတဲ့ Drama တွေကို အကုန်မကြည့်ဖူးရင်တောင်မှ ဒီ Drama (၅) ခုကိုတော့ ကြည့်ကိုကြည့်သင့်ပါတယ်။ Drama တစ်ခုချင်းစီမှာ သူမရဲ့မတူညီတဲ့ သရုပ်ဆောင်ချက်တွေနဲ့ သရုပ်ဆောင်တိုးတက်လာမှုတွေကို မြင်တွေ့ရမှာပဲဖြစ်ပါတယ်။
100 Days My Prince
2018 မှာ ထုတ်လွှင့်ပြသခဲ့တဲ့ နာမည်ကြီး Drama 100 Days My Prince မှာတော့ Han So Hee က Support Role ဖြစ်တဲ့ အိမ်ရှေ့စံမိဖုရား Kim So Hye နေရာကနေ ပါဝင်သရုပ်ဆောင်ထားပါတယ်။ ဒီ Drama ထဲမှာတော့ သူမရဲ့တည်ငြိမ်တဲ့ သရုပ်ဆောင်မှုတွေကို မြင်တွေ့ရမှာ ဖြစ်ပါတယ်။ K-drama fan တော်တော်များများကတော့ သူမကို ဒီ Drama ထဲမှာ စပြီး သတိထားမိခဲ့ကြတာများပါတယ်။
Abyss
2019 မှာ ထုတ်လွှင့်ပြသခဲ့တဲ့ Abyss မှာလည်း Support Role နေရာကနေ ပါဝင်ခဲ့ပါတယ်။ Cha Min ရဲ့ စေ့စပ်ထားတဲ့မိန်းကလေး Jang Hee Jin / Oh Soo Jin နေရာကနေ သရုပ်ဆောင်ထားတာဖြစ်ပါတယ်။ ဒီ Drama ထဲမှာလည်း သူမရဲ့သရုပ်ဆောင်မှုတွေကို ကောင်းကောင်းမြင်တွေ့ရမှာပါ။ Abyss ကြည့်ဖူးရင်တော့ သူမကိုမှတ်မိမယ်လို့ ထင်ပါတယ်။
The World of the Married
2020 ထုတ်လွှင့်ပြသခဲ့တဲ့ နာမည်ကြီး Drama The World of the Married မှာတော့ Main Role ဖြစ်တဲ့ Yeo Da Kyung နေရာကနေ ပါဝင်ထားပါတယ်။ ဒီ Drama နဲ့ သူမကို လူသိများပြီး ကြိုက်တဲ့သူပိုများလာတာ ဖြစ်ပါတယ်။ ဒီ Drama နဲ့ အရမ်းနာမည်ကြီးလာတယ်လို့ ပြောလို့ရပါတယ်။ ဒီထဲမှာ မင်းသားနဲ့ ဖောက်ပြန်ပြီး သရုပ်ဆောင်တာတွေက ဘယ်လောက်တောင်တိုးတက်လာလဲ၊ ဘယ်လောက်တောင် ဆွဲဆောင်မှုရှိပြီး လှလဲဆိုတာကို မြင်တွေ့ရမှာပါ။
Nevertheless
2021 အတွက်တော့ နာဘီလို့ပြောလိုက်ရင် မသိတဲ့သူမရှိသလောက်ဖြစ်မယ့် Nevertheless Drama ဖြစ်ပါတယ်။ ဒီ Drama ထဲမှာတော့ Main Role နေရာကနေ Yoo Na Bi အဖြစ်နဲ့ သရုပ်ဆောင်ထားပါတယ်။ သူမရဲ့ သရုပ်ဆောင်တာတွေက The World of the Married နဲ့မတူပဲ ချစ်ဖို့ကောင်းပြီးလှတဲ့ ကောင်မလေးအဖြစ်နဲ့ ကွဲထွက်သွားတာကို တွေ့ရမှာပါ။
My Name
2021 မှာ ထွက်ထားတာမကြာသေးတဲ့ My Name Drama ထဲမှာတော့ Main Role နေရာကနေ Yoon Ji Woo / Oh Hye Jin အဖြစ်နဲ့ ပါဝင်ထားပါတယ်။ Han So Hee ကိုကြိုက်ရင် My Name ကို ကြည့်သင့်ပါတယ်။ ဒီ Drama ထဲမှာ အရင်သရုပ်ဆောင်တာတွေနဲ့ လုံးဝကိုကွဲထွက်ပြီး မိမိုက်နေတာ၊ သရုပ်ဆောင်စွမ်းရည်လည်း အရမ်းတိုးတက်လာတာကို တွေ့ရမှာပါ။ တကယ်လည်းကောင်းတဲ့ Drama ဖြစ်တာကြောင့် ကြည့်သင့်ပါတယ်။
