ကိုးရီးယား စတိုင် မိတ်ကပ် Look က သဘာဝဆန်ဆန်နဲ့ လှတာကို သင်သိမှာပါ။ ကိုးရီးယား ဒရာမာ ဇာတ်လမ်းတွေကို ကြည့်လိုက်ရင် မင်းသမီးတွေရဲ့ Makeup Look က ပြစ်မျိုးမှဲ့မထင် သဘာဝဆန်ဆန် လှနေတာကို သင် သတိထားမိမှာပါ။ ဒီထဲ ပြောပြမယ့် အလှကုန် ပစ္စည်းတွေကတော့ သင် မိတ်ကပ်လိမ်းတဲ့အခါ ထပ်ထည့်သင့်တဲ့ ကိုးရီးယား အလှကုန် ပစ္စည်းတွေ ဖြစ်ပါတယ်။ ဒီ အလှပြင် ပစ္စည်းတွေကို ထည့်ပြင်မယ်ဆိုရင် သင့်မိတ်ကပ် Look က ပိုထူးခြားကာ ပိုလှလာမှာ မလွဲမသွေပါပဲ။
၁။ Individual Lashes
မျက်တောင်တုကိုမှ အပြည့်ပါတဲ့ မျက်တောင် မဟုတ်ဘဲ မျက်တောင် တစ်ချောင်းချင်းစီ ပါတဲ့ Individual Lashes ကို သုံးတတ်အောင် လေ့ကျင့်သင့်ပါတယ်။ ဒီ Individual Lashes တွေက သင့် Eye Makeup ကို ပိုလှစေဖို့ ကူညီပေးပါလိမ့်မယ်။
၂။ Makeup Spatula
Makeup Spatula ကို မိတ်ကပ် ရောမွှေဖို့ သုံးနိုင်သလို သင့်မျက်နှာပေါ် ဖောင်ဒေးရှင်း လိမ်းဖို့ပါ သုံးနိုင်ပါတယ်။ Makeup Spatula တွေကို သုံးမယ်ဆိုရင် သင့်ချွေးပေါက်တွေထဲ မိတ်ကပ်က ဖြည့်ဝင်သွားပြီး သဘာဝ ဆန်ဆန်နဲ့ လှကာ မိတ်ကပ်ပါးပါးလေးနဲ့ ပိုလှစေနိုင်ပါတယ်။
၃။ Aegyo-Sal Liner
Aegyo-Sal Liner က မျက်လုံးအောက် ဖောင်းဖောင်းလေး ဖြစ်နေဖို့အတွက် ခြယ်တဲ့အခါ အသုံးဝင်ပါတယ်။ Aegyo-Sal Liner နဲ့ဆိုရင် သဘာဝဆန်ဆန် မျက်လုံးအောက် ခြယ်နိုင်ပါတယ်။ ဒါ့အပြင် နှာခေါင်းပေါ် Contour လုပ်ဖို့လည်း Aegyo-Sal Liner ကို သုံးနိုင်ပါတယ်။
၄။ Mascara Fixer
Mascara Fixer တွေက သင့်မျက်တောင်ကို ပိုထူစေနိုင်သလို မျက်တောင် ပိုရှည်ဖို့နဲ့ မျက်တောင်ဆေး ပိုခံဖို့ ကူညီပေးနိုင်ပါတယ်။ တံဆိပ်တွေထဲမှာ Etude House က နာမည်ကောင်းရထားပါတယ်။
၅။ Makeup Fixing Spray
ကိုးရီးယားမတွေ မိတ်ကပ် မလိမ်းခင် လိမ်းပြီးနောက် Spray ဖြန်းတာကို သင်မြင်ဖူးမှာပါ။ တချို့တွေဆိုရင် အိပ်ရာနိုးတာနဲ့ Mist Spray ဖြန်းတတ်ကြပါတယ်။ Makeup Fixing Spray က သင့်မိတ်ကပ် တစ်နေ့လုံးခံဖို့နဲ့ နေရာတကျ ရှိနေဖို့ ပံ့ပိုးပေးပါလိမ့်မယ်။
Photo Source: Pinterest
By MyStyle Myanmar
