ဆားဝက်ခြံတွေက မိန်းကလေးတင်မဟုတ်ဘူး၊ ယောင်္ကျားလေးတွေလည်း အရမ်းဖြစ်ပါတယ်။ မိန်းကလေးထက် ယောင်္ကျားလေးကတောင် ဆားဝက်ခြံပိုအဖြစ်များပါသေးတယ်။ ဒီလိုဆားဝက်ခြံတွေရှိနေရင် ကြည့်ရဆိုးပြီး ကိုယ်တိုင်လည်း စိတ်အနှောက်အယှက်ဖြစ်ရပါတယ်။ ဒါကြောင့် ဆားဝက်ခြံတွေကို အပြတ်ရှင်းထုတ်နိုင်မယ့် အိမ်တွင်းဖြစ် နည်းလမ်းကောင်းလေးတွေကို မျှဝေပေးလိုက်ပါတယ်။ နည်းလမ်းတစ်မျိုးထဲမဟုတ်ပဲ အများကြီးမို့ ကိုယ်အဆင်ပြေရာတစ်ခုခုကို ရွေးလုပ်လို့ရပါတယ်နော်။
မုန့်ဖုတ်ဆိုဒါ
မုန့်ဖုတ်ဆိုဒါ – စားပွဲတင်ဇွန်း ၁ ဇွန်းကို ရေ – စားပွဲတင်ဇွန်း ၂ ဇွန်းနဲ့ ရောမွှေပြီး ဆားဝက်ခြံထွက်တဲ့နေရာမှာ သုတ်လိမ်းထားလိုက်ပါ။ ၁၅ မိနစ်ထားပြီးရင်တော့ ရေနွေးလေးနဲ့ ဆေးချလိုက်ပါ။
ကြက်ဥနဲ့ပျားရည်
ကြက်ဥတစ်လုံးကို ပန်းကန်ထဲဖောက်ထည့်ပြီး အနှစ်ကိုဖယ်ထုတ်လိုက်ပါ။ အနှစ်မသုံးပါဘူး။ အနှစ်ကိုဖယ်ပြီးရင် ပျားရည် – စားပွဲတင်ဇွန်း ၁ ဇွန်းထည့်ပြီးမွှေပါ။ ပြီးရင် ဆားဝက်ခြံထွက်တဲ့နေရာမှာ သုတ်လိမ်းပြီး ကြာကြာထားပါ။ နောက်ဆုံးမှာမှ ရေနွေးလေးနဲ့ဆေးချလိုက်ပါ။
သစ်ကြံပိုးခေါက်အမှုန့်နဲ့ သံပယိုရည်
သစ်ကြံပိုးခေါက်အမှုန့် – စားပွဲတင်ဇွန်းနဲ့ သံပယိုရည် – စားပွဲတင်ဇွန်း ၂ ဇွန်းကို ရောမွှေပြီး ဆားဝက်ခြံဖြစ်တဲ့နေရာမှာ သုတ်လိမ်းထားပါ။ မိနစ် ၂၀ ထားပြီးရင် ရေနွေးနဲ့ဆေးချလိုက်ပါ။
နနွင်းနဲ့ အုန်းဆီ
နနွင်းမှုန့် – လက်ဖက်ရည်ဇွန်း ၁ ဇွန်းနဲ့ အုန်းဆီ နည်းနည်းကို ရောမွှေပြီး ဆားဝက်ခြံထွက်တဲ့နေရာမှာ သုတ်လိမ်းပေးပါ။ ၁၅ မိနစ်ထားပြီးရင်တော့ ရေနွေးလေးနဲ့ဆေးချလိုက်ပါ။