ဝက်ခြံခဏခဏထွက်လို့ စိတ်ညစ်နေရတဲ့သူတွေအတွက် ဝက်ခြံတွေ အမြန်ဆုံးသက်သာသွားအောင် လုပ်ပေးနိုင်တဲ့ Home Remedies (၅) မျိုးကို မျှဝေပေးလိုက်ပါတယ်။ လွယ်ကူတဲ့ နည်းလမ်းတွေဖြစ်တာကြောင့် လူတိုင်းအတွက် အဆင်ပြေပါတယ်။

Tea Tree Oil

Tea Tree Oil ကို ဝက်ခြံပေါ် နည်းနည်းတို့ပြီး လိမ်းထားပေးပါ။ မိနစ် ၃၀ ထားပြီးရင် မျက်နှာသစ်လိုက်ပါ။ မျက်နှာသစ်တဲ့အခါမှာ Mild ဖြစ်တဲ့ မျက်နှာသစ်ဆေးနဲ့ သစ်ပေးပါ။ ထွေထွေထူးထူး နည်းလမ်းတွေ မလုပ်ချင်ဘူးဆိုရင်တော့ Tea Tree Oil ဝယ်ထားလိုက်ရင် အရမ်းအဆင်ပြေပါတယ်။

Apple Cider Vinegar

Apple Cider Vinegar – စားပွဲတင်ဇွန်း ၁ ဇွန်းနဲ့ ရေ – စားပွဲတင်ဇွန်း ၃ ဇွန်းတို့ကို ရောမွှေပြီး ဝက်ခြံပေါ်ကို တို့လိမ်းပေးရမှာပါ။ ၁၀ မိနစ်ထားပြီးရင် မျက်နှာသစ်၊ ပြီးရင်တော့ ကိုယ်လိမ်းနေကျ Skincare လိမ်းပေးပါ။

ပျားရည်နဲ့ Cinnamon Powder

ပျားရည် – စားပွဲတင်ဇွန်း ၁ ဇွန်းနဲ့ Cinnamon Powder – စားပွဲတင်ဇွန်းတစ်ဝက်ကို ပျစ်ပျစ်လေးဖြစ်အောင် မွှေပေးပါ။ ပြီးရင် ဝက်ခြံပေါ်ကို တိုက်ရိုက်လိမ်းပေးပါ။ မိနစ် ၃၀ ထားပြီးရင်တော့ ရေခဲရေနဲ့ မျက်နှာသစ်ပေးလိုက်ရုံပါပဲ။

ရေခဲ

သန့်ရှင်းတဲ့အဝတ်ထဲကို ရေခဲတုံးထည့်ပြီး ဝက်ခြံပေါ်တင်ထားပေးပါ။ စက္ကန့် ၃၀၊ စက္ကန့် ၆၀ လောက် တင်ပေးရင် ရပါပြီ။ တစ်နေ့ကို ၂ ကြိမ်၊ ၃ ကြိမ် ပုံမှန်လုပ်ပေးမယ်ဆိုရင် ဝက်ခြံတွေ အမြန်ဆုံး သက်သာသွားမှာပါ။

ရှားစောင်းလက်ပတ်ဂျယ်လ်

ရှားစောင်းလက်ပတ်ကို အတွင်းသားဂျယ်လ် ခြစ်ယူပြီး ပန်းကန်ထဲထည့်ပါ။ ပြီးရင် ရေခဲသေတ္တာထဲမှာ တစ်နာရီထည့်ထားပါ။ အချိန်ပြည့်ရင် ရေခဲသေတ္တာထဲကထုတ်ပြီး ဝက်ခြံပေါ်ကို လိမ်းပေးပါ။ မိနစ် ၃၀ ထားပြီးရင်တော့ မျက်နှာသစ်လိုက်လို့ရပါပြီ။