ရာသီဥတုပူတဲ့အချိန်မှာ ဆံပင်ရှည်တဲ့သူတွေအတွက်တော့ ဂုတ်ချွေးထွက်တာက ပြဿနာပါပဲ။ ပူလို့ဆိုပြီး ဆံပင်ကိုအမြဲစည်းထားရင် ဆံသားနာပါတယ်။ ဒါကြောင့် ဂုတ်ချွေးထွက်တာကို မကြိုက်တဲ့သူတွေနဲ့ အပူဒဏ်မခံနိုင်တဲ့သူတွေအတွက် ဂုတ်ချွေးထွက်တာကိုသက်သာစေမယ့် ဆံပင်စတိုင်လ် ၅ မျိုးကို ဖော်ပြပေးလိုက်ပါတယ်။
Claw back hair clip
ဒီလိုကလစ်နဲ့ ဆံပင်လှန်တင်တာမျိုးကတော့ 2021 trends hairstyle တစ်ခုဖြစ်ပါတယ်။ ဒီဆံပင်စတိုင်လ်လေးဆိုရင် ဂုတ်ရှင်းနေတော့ ချွေးထွက်တာသက်သာစေပြီး လှလည်းလှပါတယ်။
Space buns
ဆံပင်နှစ်ဖက်ကိုခွဲပြီး ဆံထုံးလေးထုံးတာမျိုးက လူငယ်ဆန်ပြီး အရမ်းချစ်ဖို့ကောင်းပါတယ်။ ဂုတ်ရှင်းနေတော့ ချွေးထွက်တာလည်း သက်သာစေပါတယ်။ စိတ်ရှုပ်လည်း သက်သာစေတဲ့ ဆံပင်စတိုင်လ်လေးပါ။
Messy bun
ဆံထုံးမြင့်မြင့်လေးထုံးထားတဲ့ Messy bun ဆံပင်စတိုင်လ်လေးကလည်း ဂုတ်ရှင်းနေတော့ ချွေးထွက်သက်သာစေပါတယ်။ ချစ်ဖို့ကောင်းပြီး ဘယ်တော့မှရိုးမသွားတဲ့ ဆံပင်စတိုင်လ်လေးလည်း ဖြစ်ပါတယ်။
Braid bun
ကျစ်ဆံမြီးကျစ်ပြီး ဆံပင်ကို ဒီလိုမျိုးလေးတွေလည်း ပြင်ဆင်ကြည့်ပါ။ ဂုတ်ချွေးထွက်တာသက်သာစေပြီး ဆံပင်စတိုင်လ်လေးကလည်း ဆန်းပြီးလှတာကြောင့် ဆံပင်ကိုအမျိုးမျိုး ပြင်ဆင်ချင်တဲ့သူတွေအတွက်တော့ ကွက်တိပါပဲ။
Rope braid ponytail
ဆံပင်အရမ်းရှည်တဲ့သူတွေဆိုရင် ကျစ်ဆံမြီးကျစ်ပြီး ponytail လေးစည်းကြည့်ပါ။ အထာကျကျနဲ့မိုက်ပြီး ချစ်ဖို့ကောင်းပါတယ်။ သူလည်း ဂုတ်ရှင်းနေတော့ ချွေးထွက်သက်သာစေပါတယ်။
photo source:www.pinterest.com
