မျက်နှာပေါ်ကအမဲစက်တွေ သက်သာပျောက်ကင်းသွားစေမယ့် သဘာဝနည်းလမ်း ၅ မျိုး

မျက်နှာပေါ်မှာ အမဲစက်တွေရှိလို့ စိတ်ညစ်နေသူများအတွက် အမဲစက်တွေ သက်သာပျောက်ကင်းသွားအောင် ကူညီပေးနိုင်တဲ့ သဘာဝနည်းလမ်းကောင်း ၅ မျိုးကို မျှဝေပေးလိုက်ပါတယ်။

သံပယိုရည်

သံပယိုရည်နဲ့ရေကို ဆတူရောမွှေပြီး အမဲစက်တွေပေါ်မှာ တိုက်ရိုက်ပွတ်လိမ်းပေးခြင်းက အမဲစက်တွေ ဖြေးဖြေးချင်းစီပါးပြီး ပျောက်သွားစေပါတယ်။ ဒီနည်းလမ်းကိုလုပ်မယ်ဆိုရင်တော့ sunscreen ပုံမှန်လိမ်းပေးဖို့လိုပါတယ်။

နနွင်းမှုန့်

နနွင်းမှုန့်ကို ရေနဲ့ပျစ်ပျစ်လေးဖြစ်အောင် ရောမွှေပြီး အမဲစက်တွေပေါ်မှာ ပွတ်လိမ်းပေးမယ်ဆိုရင်တော့ အမဲစက်တွေပါးသွားပါလိမ့်မယ်။ ဝက်ခြံပေးမှာ တို့ထားပေးရင်လည်း ဝက်ခြံတွေ ချပ်သွားတာမြန်စေပါတယ်။

ပျားရည်

ပျားရည်ကို အမဲစက်တွေပေါ်မှာ တိုက်ရိုက်လိမ်းပေးခြင်းကလည်း အမဲစက်တွေ ဖြေးဖြေးချင်းစီပါးပြီး ပျောက်သွားစေပါတယ်။ နေ့တိုင်းပုံမှန်လုပ်ပေးဖို့တော့ လိုပါတယ်။

Vitamin E

Vitamin E အဆီကို အမဲစက်တွေပေါ်မှာ ပွတ်လိမ်းပေးခြင်းကလည်း အမဲစက်တွေ သက်သာပျောက်ကင်းစေပါတယ်။ အသားအရေနူးညံ့ချောမွေ့စေပါတယ်။ အဆီပြန်တတ်တဲ့သူ၊ အဆီဖုပေါက်တတ်တဲ့သူဆိုရင်တော့ ဒီနည်းလမ်းကို ရှောင်သင့်ပါတယ်။

နွားနို့၊ ဒိန်ချဉ်

နွားနို့ (သို့) ဒိန်ချဉ်ကို အမဲစက်တွေပေါ်မှာ ပွတ်လိမ်းပေးပြီး ၁၅ မိနစ်ထားပါ။ အချိန်ပြည့်ရင် ရေခဲရေနဲ့ သန့်စင်ပေးပါ။ ဒီနည်းလမ်းကလည်း အမဲစက်တွေ သက်သာပျောက်ကင်းစေဖို့အတွက် ကူညီပေးမယ့် နည်းလမ်းကောင်းဖြစ်ပါတယ်။