ဦးရေပြားခြောက်သွေ့ရင် ဗောက်ထတာ၊ ဆံပင်ကျွတ်တာ၊ ဆံသားငြိလွယ်တာတွေ ဖြစ်လေ့ရှိပါတယ်။ ဒါကြောင့် ဦးရေပြားခြောက်သွေ့တာ သက်သာစေမယ့် နည်းလမ်းကောင်း ၅ ခုကို ပြောပြပေးလိုက်ပါတယ်။
Tea Tree Oil
Tea Tree Oil ကို အုန်းဆီနဲ့ ရောပြီးတော့ ဦးရေပြားကို သေချာနှံ့အောင်လိမ်းကာ လက်ချောင်းလေးတွေနဲ့ နှိပ်နယ်ပေးပါ။ ပြီးရင် ၁၀ မိနစ်ထားပြီးမှ ခေါင်းလျှော်ပေးပါ။ ဦးရေပြားခြောက်သွေ့တာရော ဗောက်ထတာရော သက်သာသွားပါလိမ့်မယ်။
ကြက်ဆူဆီ
ကြက်ဆူဆီကို ရှားစောင်းလက်ပတ်ဂျယ်လ်နဲ့ ရောမွှေပါ။ ပြီးရင် Tea Tree Oil ရှိရင် နည်းနည်းလေးထည့်မွှေပါ။ ပြီးရင်တော့ ခုနကလိုပဲ ဦးရေပြားအနှံ့ သေချာလိမ်းပြီး နှိပ်နယ်ပေးပါ။ မိနစ် ၃၀ ထားပြီးမှ ခေါင်းလျှော်ပေးပါ။ ဦရေပြားခြောက်သွေ့တာတွေ သက်သာသွားပါလိမ့်မယ်။
ရှားစောင်းလက်ပတ်ဂျယ်လ်
ရှားစောင်းလက်ပတ်အပင်ရဲ့ အတွင်းသားဂျယ်လ်ကိုယူပြီး ဦးရေပြားကို တိုက်ရိုက်ပွတ်ပေးရမှာပါ။ ဦးရေပြားအနှံ့ သေချာပွတ်ပြီးရင် ၁၀ မိနစ်ထားပါ။ ပြီးမှ ခေါင်းလျှော်ပေးပါ။ ဦးရေပြားခြောက်သွေ့တာ သက်သာပြီး ဆံပင်လည်း သန်လာစေပါတယ်။
Jojoba Oil
Jojoba Oil ကို ဦးရေပြားအနှံ့ သေချာလိမ်းပြီးတော့ လက်ချောင်းလေးနဲ့ Massage လုပ်နှိပ်နယပေးပါ။ ပြီးရင် ၁၅ မိနစ်ထားပြီး ခေါင်းလျှော်ပါ။ ဦးရေပြားခြောက်သွေ့တာတွေ သက်သာလာပြီး ဦးရေပြားကျန်းမာလာစေပါတယ်။
ထောပတ်သီးနဲ့ပျားရည်
ထောပတ်သီးကို အသားတွေခြစ်ယူပြီးချေပါ။ ပြီးရင် သင့်တော်သလောက် ပျားရည်နဲ့ရောမွှေပါ။ ပြီးရင်တော့ ဦးရေပြားအနှံ့ သေချာလိမ်းပေးပါ။ မိနစ် ၃၀ ထားပြီးမှ ခေါင်းလျှော်ပါ။ ဒီနည်းလမ်းကတော့ ဦးရေပြားခြောက်သွေ့တာတွေ သက်သာပြီး ဆံသားသန်စွမ်းကျန်းမာလာစေပါတယ်။
