ကိုးရီးယားရဲ့ Adele လို့ တင်စားခံရတဲ့ Lee Hi က အနုပညာလောကထဲကို 2012 မှာ ဝင်ရောက်ခဲ့သူပါ။ သူမက Kpop Star Season 1 မှာ Runner Up ရရှိခဲ့သူ ဖြစ်ပြီး YG Entertainment နဲ့ စာချုပ်ချုပ်ခဲ့ပါတယ်။ 2020 မှာတော့ AOMG Entertainment ကို ပြောင်းခဲ့သူပါ။
သူမရဲ့ အသံက ခံစားချက် အမျိုးမျိုးကို ပေးစွမ်းနိုင်တဲ့ အသံမျိုးပါ။ နားထောင်သူတွေရဲ့ နှလုံးသားကို တိုက်ရိုက်ထိစေနိုင်တဲ့ သီချင်းတွေကို သီဆိုသူ Lee Hi က သေးသွယ်တဲ့ ခန္ဓာကိုယ်ကို ပိုင်ဆိုင်ထားသူပါ။ အရပ် ၅ ပေ ၁ လက်မ ရှိတဲ့ Lee Hi က သူမ အရပ်အမြင့်နဲ့ လိုက်ဖက်တဲ့ အဝတ်အစား ဖက်ရှင်တွေကို ဝတ်ဆင်တတ်သူ ဖြစ်ပါတယ်။
Lee Hi က ပေါင်တံသွယ်သွယ် သေးသေးညှပ်ညှပ်လေးနဲ့ အရုပ်မလေးနဲ့ တူတယ်ဆိုပြီး ချီးကျုးခံရသူ ဖြစ်ပါတယ်။ သူမက အနုပညာလောကထဲ ဝင်စ မှာတော့ ခန္ဓာကိုယ် ပြည့်သူ ဖြစ်ပြီး နောက်ပိုင်းမှာတော့ Strict Diet နဲ့ အနုပညာရှင်တွေရဲ့ ကိုးရီးယား အလှ Standard နဲ့ ကိုက်ညီအောင် ကြိုးစားခဲ့သူ ဖြစ်ပါတယ်။
အခုချိန်မှာတော့ သူမက ပိုရင့်ကျက်လာသူ ပီပီ ဝတ်ဆင်ပုံတွေက ကျက်သရေ ပိုရှိလာပြီး ပိုကြည့်ကောင်းလာပါတယ်။
Photo Source: Pinterest
By MyStyle Myanmar