မင်္ဂလာပါနော်။ မျက်လုံးဟာ ကျွန်မတို့ ခန္ဓာကိုယ်အစိတ်အပိုင်းထဲမှာ ဆွဲဆောင်မှုအရှိဆုံးအစိတ်အပိုင်းတစ်ခုပါပဲ။ မျက်လုံးနားက အသားအရေတွေဟာ တခြားအသားအရေတွေထက် ပိုပြီးနူးညံ့သလို ပိုပြီး အိုမင်းရင့်ရော်လွယ်ပါတယ်။ သင့် မျက်လုံးမိတ်ကပ်ခြယ်သမှုဟာ သင့်ရဲ့ ရုပ်ရည်သွင်ပြင်ကို ပိုပြီးနုပျိုစေနိုင်သလို ပိုပြီးတော့လည်း ရင့်စေနိုင်ပါတယ်။

ဒါ့ကြောင့် သင့်သွင်ပြင်ကို ပိုပြီးနုပျိုစေဖို့အတွက် မျက်လုံးမိတ်ကပ်ချယ်သရာမှာ ရှောင်ကျဉ်သင့်တဲ့အချက်လေးတွေကို မျှဝေပေးချင်ပါတယ်နော်။

၁။ ရေဓာတ်ခမ်းခြောက်ခြင်း

သင့်ရဲ့ ခန္ဓာကိုယ်မှာ ရေဓာတ်ခမ်းခြောက်ရင် သင့်မျက်လုံးနားက အသားအရေလည်း ရေဓာတ်ခမ်းခြောက်ပြီး အသားအရေ ပျော့တွဲတွဲကြီးဖြစ်နေမှာပါ။ ဒါ့ကြောင့် Serum ၊ Eye Cream တွေကိုလိမ်းပေးပါ။ ရေများများသောက်ပါ။

၂။ ပေါင်ဒါ Eyeshadow သုံးခြင်း

ပေါင်ဒါ Eyeshadow ဟာ သင့်မျက်လုံးကို ပိုပြီး အိုမင်းရင့်ရော်သလို ထင်ရစေပါတယ်။ Powder Eyeshadow အစား Cream Eyeshadow ကိုသုံးပေးပါ။

၃။ သင့်မျက်လုံးအောက်မှာ Concealer မသုံးခြင်း

သင့်မျက်ကွင်းညိုတာကို ဖုံးနိုင်ဖို့ Concealer သုံးပေးဖို့လိုပါတယ်။ Concealer ကို ခပ်ပါးပါးလေးလိမ်းပေးပြီး သေချာ Blend လုပ်ပေးပါ။

၄။ Mascara မသုံးခြင်း

Mascara မသုံးတာဟာလည်း သင့်ရဲ့ မျက်လုံးကို အိုမင်းရင့်ရော်သလိုထင်ရစေပါတယ်။ ဒါ့ကြောင့် Mascara သုံးပေးပါ။

၅။ Eyeliner ကို အရမ်းမည်းအောင်ဆိုးခြင်း

သင့်ကိုငယ်ရွယ်နုပျိုတဲ့အသွင်ဖြစ်စေဖို့ မျက်လုံးမိတ်ကပ်နဲ့ပတ်သက်လို့ ရှောင်ရမယ့် အချက် (၅) ချက်

Eyeliner ဆိုးရာမှာ အပြည့်မဆိုးဘဲ မျက်ခွံအတွင်းပိုင်းလေးတွေကိုသာ ဆိုးပေးသင့်ပါတယ်။ အဲဒီလိုမျိုးအပြည့်စိုးထားတာထက် မျက်ခွံအတွင်းပိုင်းကို ဆိုးပေးတာဟာ သင့်ကိုပိုပြီး နုပျိုတယ်လို့ ထင်ရစေမှာဖြစ်ပါတယ်။