ဝတဲ့သူပဲဖြစ်ဖြစ်၊ ပိန်တဲ့သူပဲဖြစ်ဖြစ် ဂျိုင်းအဆီရှိတတ်ပါတယ်။ ဂျိုင်းအဆီရှိတာက တခြားအချိန်တွေမှာတော့ ကိစ္စမရှိပေမယ့် လက်ပြတ်တွေဝတ်ပြီဆိုရင် ဂျိုင်းနဲ့လက်မောင်းကြားမှာ အဆီပိုတွေထွက်နေတဲ့အတွက် ကြည့်ရဆိုးစေပါတယ်။ ဒါကြောင့် ဂျိုင်းအဆီကျစေဖို့ ကူညီပေးမယ့် လေ့ကျင့်ခန်း ၅ မျိုးကို မျှဝေပေးလိုက်ပါတယ်။
ကြိုးခုန်တာက ဝိတ်ကျစေပြီး ခန္ဓာကိုယ်မှာရှိတဲ့ အဆီပိုတွေလည်း လျော့ကျသွားစေပါတယ်။ အလွယ်ကူဆုံး လေ့ကျင့်ခန်းလို့ ပြောလို့ရပါတယ်။ ကြိုးခုန်ပေးတာက ဂျိုင်းအဆီတွေကျစေဖို့လည်း ကူညီပေးပါတယ်။
5 kgs အလေးတုံးနဲ့ လေ့ကျင့်ခန်းလုပ်ရပါမယ်။ အရင်ဆုံး အလေးကိုကိုင်ပြီး ပထမပုံထဲကလို စပြီးနေပါ။ ပြီးရင် ဘယ်လက်တစ်ဖက်ကို ဒုတိယပုံမှာပြထားတဲ့အတိုင်း ဆန့်ထုတ်ပါ။ ပြီးရင် ညာလက်တစ်ဖက်ကို တတိယပုံမှာပြထားတဲ့အတိုင်း ဆန့်ထုတ်ပါ။ အဲ့အတိုင်း တစ်လှည့်စီ ၁၀ ကြိမ်ပြည့်အောင် လုပ်ပေးရပါမယ်။
ဒီလေ့ကျင့်ခန်းကိုလည်း 5 kgs အလေးတုံးနဲ့ပဲ လုပ်ရမှာပါ။ အလေးတုံးကိုကိုင်ပြီး ပထမပုံထဲကလိုလုပ်ပေးပါ။ ပြီးရင် ဒုတိယပုံထဲကလို လက်ကို အောက်ဆန့်ချလိုက်ပါ။ ပြီးရင် ပထမပုံထဲကလို ပြန်လုပ်ပါ။ အဲ့အတိုင်း တစ်လှည့်စီ ၁၅ ကြိမ်ပြည့်အောင် လုပ်ပေးပါ။
ဒိုက်ထိုးတဲ့လေ့ကျင့်ခန်းကလည်း ဂျိုင်းအဆီကျစေဖို့ ကူညီပေးပါတယ်။ ခန္ဓာကိုယ်အနေအထားကို ပုံမှာပြထားတဲ့အတိုင်းနေပြီး သေချာလုပ်ပေးပါ။ အမြန်မလုပ်ပဲ ဖြေးဖြေးချင်းစီပဲ လုပ်ပေးပါ။ အကြိမ် ၂၀ အနည်းဆုံး လုပ်ပေးပါ။
ယောဂဖျာပေါ်မှာ ပထမပုံထဲကလိုအနေအထားနဲ့ စပြီးနေပေးပါ။ ပြီးရင် ဒုတိယပုံထဲကလို လက်နဲ့ခြေထောက်ကို နည်းနည်းမြှောက်ပေးရမှာပါ။ မြှောက်ထားတဲ့အချိန်မှာ ချက်ချင်းပြန်မချပဲ ၁၀ စက္ကန့်ပြည့်အောင် နေပေးပါ။ ပြီးမှပြန်ချပါ။ အဲ့အတိုင်း အကြိမ် ၂၀ ရအောင် လုပ်ပေးရပါမယ်။
Source:www.stylesatlife.com
