ဗိုက်မှာရှိတဲ့အဆီတွေကို ယူပစ်လိုက်သလိုကျသွားစေမယ့် လေ့ကျင့်ခန်း ၅ ခုကို မျှဝေပေးလိုက်ပါတယ်။ လုပ်ရတာလည်းမခက်တဲ့ လေ့ကျင့်ခန်းတွေဖြစ်တာကြောင့် ဗိုက်မှာအဆီတွေများနေရင်တော့ လုပ်ကြည့်သင့်ပါတယ်။

Flutter kicks

ကြမ်းပြင်မှာလှဲပြီး လက်ဖဝါးနှစ်ဖက်ကို တင်ပါးအောက်ထည့်ထားပါ။ ခြေထောက်တစ်ဖက်ကို ပုံမှာပြထားတဲ့အတိုင်း နည်းနည်းမြှောက်ပြီး ပြန်ချပါ။ ပြီးရင် နောက်ခြေထောက်တစ်ဖက်ကို မြှောက်ပြီး ပြန်ချပါ။ အဲ့အတိုင်း ဘယ်ညာတစ်လှည့်စီ လုပ်နေပေးပါ။ ၅ မိနစ်လောက်လုပ်ရပါမယ်။

Reverse crunches

ပထမပုံထဲကလို အနေအထားနဲ့စပြီးနေပါ။ ပြီးရင်တော့ ဒုတိယပုံထဲကလို တင်ပါးကိုအပေါ်မြှောက်ပြီး ခြေထောက်နှစ်ဖက်ကိုပါ နည်းနည်းဆန့်လိုက်ပါ။ ပြီးရင် ခြေထောက်ကို အောက်အထိပြန်မချပဲ ပထမပုံထဲကလိုပဲ ပြန်နေပါ။ အဲ့အတိုင်း ဆက်တိုက်လုပ်ပေးရပါမယ်။ ၅ မိနစ်လုပ်ပေးရမှာ ဖြစ်ပါတယ်။

Lunges with front kicks

ပထမပုံထဲကလို အနေအထားနဲ့စနေပြီး ဒုတိယပုံထဲကလို မတ်တပ်ပြန်ရပ်ပြီး ခြေထောက်တစ်ဖက်ကို ဆန့်ထုတ်လိုက်ပါ။ ပြီးရင် ပထမပုံထဲကလို ပြန်နေပါ။ ခုနက ဘယ်ခြေထောက်ဆန့်ထုတ်ပြီးရင် အခုတစ်ခေါကမှာ ညာခြေထောက် ဆန့်ထုတ်ပါ။ ဘယ်ညာတစ်လှည့်စီ ၅ မိနစ်လောက် လုပ်ပေးပါ။

Mountain climbers

အရင်ဆုံး လက်ဖဝါးနှစ်ဖက်နဲ့ထောက်ထားပြီး ခြေထောက်ကိုလည်း နှစ်ဖက်လုံးဆင်းပြီး ခြေချောင်းလေးတွေနဲ့ ထောက်ထားပါ။ ပြီးမှ ပုံထဲကလို ဘယ်ခြေထောက်ကွေးလိုက်၊ ညာခြေထောက်ကွေးလိုက်နဲ့ ဆက်တိုက်လုပ်ရမှာပါ။ ကွေးတဲ့အခါမှာ ဒူးကို ရင်ဘတ်နားအထိရောက်အောင် လုပ်ပေးပါ။ အဲ့အတိုင်း ၅ မိနစ်လုပ်ပေးရင် ရပါပြီ။

Bicycles

ပုံမှာပြထားတဲ့အတိုင်း လက်နှဏ်ဖက်ကို ခေါင်းနောက်မှာထားပြီး ခါးကိုလိမ်ကာ ဘယ်လှည့်ပါ။ ဘယ်လှည့်ရင် ဘယ်ခြေထောက်ကွေး၊ ညာခြေထောက်ဆန့်။ ညာလှည့်ရင် ညာခြေထောက်ကွေး၊ ဘယ်ခြေထောက်ဆန့်ပါ။ အဲ့အတိုင်း ဆက်တိုက် ၅ မိနစ်လောက် လုပ်ပေးပါ။