သင့်ခန္ဓာကိုယ်က ပြင်ပ ပင်ပန်းမှုကြောင့် စိတ်ပင်ပန်းမှုကြောင့် ဖြစ်ဖြစ် နားပေးဖို့ ဂရုစိုက်ပေးဖို့ လိုအပ်ပါတယ်။ စိတ်ကျန်းမာရေးကိုလည်း အထူးဂရုစိုက်ပေးသင့်ပါတယ်။ သင်က သင့်စိတ်ကို နဂိုကထက် ပိုပျော်ရွှင်လာစေပြီး အသစ်တဖန် ပြန်လန်းဆန်းနိုင်ဖို့ ဒီလေ့ကျင့်ခန်းတွေကို ပြုလုပ်သင့်ပါတယ်။
၁။ အသက်ရှူလေ့ကျင့်ခန်း
နှာခေါင်းကနေ ဖြည်းဖြည်း ချင်းရှူသွင်းပြီး ဒါကို ၂ စက္ကန့် အောင့်ထားပေးပါ။ ပြီးရင်တော့အားအပြင်းဆုံးနဲ့ ထပ်ရှူသွင်းပါ။ ရင်ဘတ်ခန္ဓာကိုယ်ကို အားစိုက်ပြီး ရှူသွင်းပေးရပါမယ်။ အဆုတ်ထဲ လေအပြည့်ဆုံး ဝင်သွားတဲ့အထိပါ။ ဒါကို ၂စက္ကန့် ထပ်အောင့်ထားရပါမယ်။ ပြီးနောက် ခပ်ကြာကြာလေး ရှူထုတ်ပေးရပါမယ်။
၂။ သွေးပူလေ့ကျင့်ခန်း
အသက်ရှူခြင်းပြီးနောက်မှာတော့ သွေးပူလုပ်ပေးရပါမယ်။ ဒူးကို အနည်းငယ်ကွေးပေးရပါမယ်။ ပြီးနောက် လက်မောင်းလွှဲပေးရပါမယ်။
၃။ နောက်ကြောကို ဆန့်ထုတ်ခြင်း
ဒီလေ့ကျင့်ခန်းက သင့်ကိုယ်နေဟန်ထား၊ အမြင်အာရုံ၊ သွေးလည်ပတ်မှုနဲ့ နောက်ကြောကို ခွန်အားပေးပါတယ်။မတ်တပ်ရပ်ပြီး သင့်ခေါင်းကို နောက်ပြန်လှန်ပေးရပါမယ်။ အသက်ပြင်းပြင်းရှူပြီး ဒီပုံစံအတိုင်း ၁၅ စက္ကန့်နေပေးရပါမယ်။ ပြီးနောက် နဂိုပုံစံကို ပြန်သွားပေးပါ။ ဒါကို ၆ ခါ ထပ်လုပ်ပေးရပါမယ်။
၄။ ကျောက်ကပ်နဲ့ ခါးအတွက်
မတ်တပ်ရပ်ပေးရပါမယ်။ ခြေထောက်နှစ်ဘက်ကို ရှေ့ကို ညွှန်ပြလျက် အနေအထားနဲ့ နေပေးရပါမယ်။ ဖြည်းဖြည်းချင်း ခန္ဓာကိုယ်ကို ကွေးပေးရပါမယ်။ ဒူးကွေးတာမျိုး မဖြစ်ရပါဘူး။ ကြမ်းပြင်ရောက်တဲ့အထိ ဆက်ကုန်းပေးရပါမယ်။ ဒီအနေအထားနဲ့ ၁၀ စက္ကန့်နေပေးရပါမယ်။ ပြီးနောက် နဂိုပုံစံပြန်သွားပေးပါ။ ၆ ခါလုပ်ပေးရပါမယ်။
၅။ စိတ်ဖိစီးမှုလျော့ကျဖို့
ခြေထောက်အကျယ်ကို ပခုံးအကျယ်အကွာအဝေးထားပေးရပါမယ်။ လက်ကို ရင်ဘတ်နဲ့ တစ်တန်းတည်းနေရာမှာ ထားပေးရပါမယ်။ လက်မောင်းကို ဆန့်တန်းအနေအထားနဲ့ သင့်လက်ကို ရင်ဘတ်ဆီယူလာပေးရပါမယ်။ နဂိုပုံစံပြန်သွားပြီး တစ်ဘက်ဆီကို ၆ ခါလုပ်ပေးရပါမယ်။
Source: www.womendailymagazine.com
By MyStyle Myanmar
