နောက်ကျောကျန်းမာရေးအတွက် အထောက်အကူပြုတဲ့ လေ့ကျင့်ခန်း ၅ မျိုးကို မျှဝေပေးလိုက်ပါတယ်။ ကျောဘက်နာကျင်တာ၊ ခါးနာတာတွေ သက်သာစေမယ့်အပြင် ပခုံးကြောနာတာတွေပါ သက်သာစေမယ့် လေ့ကျင့်ခန်းတွေဖြစ်တာကြောင့် ပုံမှန်လုပ်ပေးနိုင်ရင် အကောင်းဆုံးပါပဲ။

Stretching

ပုံမှာပြထားတဲ့အတိုင်း ထောက်ထားတဲ့လက်နဲ့ခါးကို တစ်ပြေးထဲဖြစ်အောင် ဆန့်ထားပါ။ ခြေထောက်ကိုလည်း ပုံမှာပြထားတဲ့အတိုင်း ဆန့်ထားပါ။ အဲ့အတိုင်း ၁၀ စက္ကန့်နေပြီးရင် ဒုတိယပုံထဲကလို ပြောင်းလုပ်ပါ။ ၁၀ စက္ကန့်နေပြီးရင် ပထမပုံထဲကလို ပြန်လုပ်ပါ။ အဲ့အတိုင်း တစ်လှည့်စီ ၁၀ ကြိမ်လုပ်ပေးပါ။ ၂ မျိုးလုံးပြီးမှ ၁ ကြိမ်လို့ သတ်မှတ်ရမှာပါ။

Twisting

ပုံမှာပြထားတဲ့အတိုင်း ခြေထောက်ကိုဆန့်၊ လက်ဖဝါးနှစ်ဖက်ကိုထောက်ပြီး ခါးကို ဟိုဘက်လှည့်လိမ်လိုက်၊ ဒီဘက်လှည့်လိမ်လိုက် ဆက်တိုက်လုပ်ပေးရမှာပါ။ အကြိမ် ၂၀ လုပ်ပေးရင် ရပါပြီ။

Bridge

ခြေဖဝါးနှစ်ဖက်ကိုထောက်၊ လက်နှစ်ဖက်ကို ကြမ်းမှာကပ်ထားပြီး ခေါင်းကိုလည်း ကြမ်းနဲ့ကပ်ထားပါ။ ပြီးရင် ပုံမှာပြထားတဲ့အတိုင်း ခန္ဓာကိုယ်ကို အပေါ်ကော့လိုက်၊ အောက်ပြန်ချလိုက်နဲ့ အကြိမ် ၂၀ လုပ်ပေးပါ။

Stretching

ခြေထောက်ကိုဆန့်လိုက်၊ ပုံမှာပြထားတဲ့အတိုင်း ခြေထောက်ကိုကွေးပြီး လက်နှစ်ဖက်နဲ့ဆုပ်ထားပါ။ ပြီးရင် ခြေထောက်ပြန်ဆန့်၊ ပြီးရင် ပုံထဲကလိုပြန်နေပါ။ အဲ့အတိုင်း ဆက်တိုက် အကြိမ် ၂၀ လုပ်ပေးရမှာ ဖြစ်ပါတယ်။

Walking on all fours

ဒီလေ့ကျင့်ခန်းကတော့ လေးဘက်သွားသလိုပါပဲ။ ဒါပေမယ့်သူက ဒူးထောက်သွားရတာမျိုးမဟုတ်ပဲ ခြေဖဝါးနဲ့ပဲ ထောက်သွားရတာပါ။

ပုံမှာပြထားတဲ့အတိုင်း ခြေထောက်နှစ်ဖက်နဲ့ လက်ဖဝါးနှစ်ဖက်ကိုထောက်ပြီး သွားရမှာဖြစ်ပါတယ်။ ဒီလေ့ကျင့်ခန်းကတော့ အနည်းဆုံး စက္ကန့် ၃၀ ကနေ စက္ကန့် ၆၀ အထိ လုပ်ပေးရမှာ ဖြစ်ပါတယ်။