ဒေါက်ဖိနပ်အမြင့်တစ်ရံက ပျိုမေတိုင်းကို ဖက်ရှင်ကျစေတဲ့ မရှိမဖြစ် အရာတစ်ခုပါ။ သင်နဲ့ လိုက်ဖက်တဲ့ ဒေါက်ဖိနပ်တစ်ရံက သင့်ပေါင်တံကို ပိုသွယ်လျသွားစေသလို ခါးကြောမတ်စေပြီး မှန်ကန်တဲ့ ကိုယ်နေဟန်ထားကိုရရှိစေပါတယ်။ တချို့ မိန်းကလေးတွေက ဒေါက်ဖိနပ်ကို ပုံမှန်စီးတတ်ပေမယ့် တချို့မိန်းကလေးတွေကတော့ ဖိနပ်အပါးတွေပဲ စီးလေ့ရှိပါတယ်။ ဖက်ရှင်ကျချင်တဲ့ မိန်းကလေးတစ်ယောက်အနေနဲ့ ဒေါက်အမြင့်တစ်ရံပိုင်ဆိုင်သင့်သလို စတိုင်ကျကျ စီးတတ်ဖို့လည်း လိုအပ်ပါတယ်။ သင်က ဒေါက်ဖိနပ် စစီးမယ့် လူတစ်ယောက်ဆိုရင် ဒီအချက်တွေကို မှတ်ထားပေးပါနော်။

၁။ ကိုယ့် Size နဲ့ ကွက်တိဖြစ်ပါစေ


အခုမှ ဒေါက်အမြင့်စစီးမယ့် ပျိုမေတွေအနေနဲ့ အရမ်းမြင့်တဲ့ ဖိနပ်မျိုးကို မရွေးသင့််ပါဘူး။ ကိုယ့် Size နဲ့ကွက်တိဖြစ်ပြီး အရည်အသွေးကောင်းတဲ့ တံဆိပ်မျိုးကို ရွေးချယ်ပေးပါ။ ဒေါက်ဖိနပ်တစ်ရံကို လေးလကနေ ခြောက်လအတွင်း လဲလှယ်သင့်တယ်လို့ ဆိုထားပါတယ်။

၂။ ခန္ဓာကိုယ်အနေအထား


ဒေါက်ဖိနပ်အမြင့်မစီးခင် ကိုယ်နေဟန်ထား မှန်ကန်ဖို့ အပြင်မသွားခင်ကတည်းက ကြိုလေ့ကျင့်ပါ။ ချက်ချင်းဝယ်ပြီး ချက်ချင်း အပြင်ကို ဝတ်သွားတာမျိုးမလုပ်ပါနဲ့။

၃။ ခြေလှမ်းစိပ်စိပ်


အခုမှ စစီးတဲ့ ပျိုမေတစ်ယောက်အနေနဲ့ ခြေလှမ်းစိပ်စိပ်လျှောက်ပေးပါ။ အလျင်လိုတဲ့နေ့တွေမှာ ဒေါက်အမြင့်မစီးပါနဲ့။ ခြေဖနောင့်ကို အရင်အားပြုပါ။ ရှေ့ခြေဖျားကို အရင်အားပြုပြီး မလျှောက်ပါနဲ့။

၄။ သင်သွားမယ့်နေရာ


ဒေါက်ဖိနပ်အမြင့်စီးမယ်လို့ စဉ်းစားထားတယ်ဆိုရင် မတိုင်ခင် နေ့ကတည်းက ဘယ်သွားမလဲ ကြိုစီစဉ်ထားပါ။ မြက်ခင်းပြင်၊ လမ်းကြမ်းတဲ့နေရာတွေသွားမယ်ဆိုရင်တော့ ဒေါက်အမြင့်မစီးသင့်ပါဘူး။

၅။ သင့်ခြေထောက်ကို ဂရုစိုက်ပါ


ဒေါက်အမြင့်နဲ့ သင်နဲ့ အဆင်မပြေဘူးဆိုရင် မစီးပါနဲ့။ သင့်ခြေထောက်ကို နှိပ်နယ်ပေးပါ။ ပင်လယ်ဆားရေထဲမှာ ခြေထောက်စိမ်ပြီး အနားယူပါ။ သင့်ခြေထောက်ကို ဂရုစိုက်ပေးပါ။

Photo Source: Pinterest

By MyStyle Myanmar