ရင်သားတင်းရင်းစေဖို့ အထောက်အကူဖြစ်တဲ့ယောဂကျင့်စဉ် ၄ မျိုး

လေ့ကျင့်ခန်းလုပ်ရမှာပျင်းရင် ယောဂကျင့်ပါ။ ယောဂကျင့်တာက စိတ်တည်ငြိမ်စေပြီး stress လျော့ကျစေပါတယ်။ ဒါ့အပြင် အရမ်းလည်းလှုပ်ရှားနေရတာမျိုး မဟုတ်တဲ့အတွက် အမောမခံနိုင်တဲ့သူတွေအတွက်လည်း အဆင်ပြေပါတယ်။ ဒီတစ်ခါမှာတော့ မိန်းကလေးတိုင်းအတွက် ရင်သားတင်းရင်းစေဖို့ အထောက်အကူဖြစ်တဲ့ ယောဂကျင့်စဉ် ၄ မျိုးကို မျှဝေပေးလိုက်ပါတယ်။

ယောဂကျင့်စဉ် ၁

ယောဂဖျာပေါ်မှာ ခြေထောက်ကို ပုံမှာပြထားတဲ့အတိုင်း ကားထားပါ။ ခါးကိုလည်း တစ်တန်းတည်းဖြစ်အောင် ပုံထဲကအတိုင်းနေပေးပါ။ လက်နှစ်ဖက်ကိုတော့ တန်းနေအောင် ၉၀ ဒီဂရီ ဆန့်ထားပါ။ လက်ဖဝါးတစ်ဖက်က အပေါ်ကိုဖြန့်ထားပြီး နောက်လက်ဖဝါးတစ်ဖက်ကတော့ ဖျာကိုထောက်ထားရပါမယ်။ ခေါင်းကလည်း အပေါ်ကို တစ်စောင်းမော့ထားရပါမယ်။ ဒီအနေအထားအတိုင်း စက္ကန့် ၃၀ နေပေးပါ။

ယောဂကျင့်စဉ် ၂

ယောဂဖျာပေါ်မှာ ပုံထဲကအတိုင်း ဗိုက်နေရာကိုပဲ ဖျာနဲ့ထိထားပြီး ခေါင်းကိုမော့၊ ရင်ကိုကော့ထားပေးပါ။ ခြေထောက်နှစ်ချောင်းလုံးကိုမြှောက်ပြီး လက်နှစ်ဖက်က ခြေထောက်ကို နောက်ပြန်ကိုင်ထားပေးပါ။ အဲ့အနေအထားနဲ့လည်း စက္ကန့် ၃၀ နေပေးရပါမယ်။

ယောဂကျင့်စဉ် ၃

ပုံမှာပြထားတဲ့အတိုင်း ဒူးကနေစပြီး ခြေဖမိုးအထိ တစ်တန်းထဲ ဆန့်ထားပြီး ယောဂဖျာနဲ့ကပ်နေရပါမယ်။ ခါးကိုလည်း တတ်နိုင်သလောက် ကြိုးစားပြီး အနောက်ကိုလန်ထားပါ။ လက်ကိုနောက်ပြန်ထားပြီး လက်ဖဝါးနဲ့ ခြေဖဝါးကို ကပ်ထားပေးပါ။ အဲ့ဒီအနေအထားနဲ့လည်း စက္ကန့် ၃၀ နေရပါမယ်။

ယောဂကျင့်စဉ် ၄

ပေါင်ကနေစပြီး ခြေဖမိုးအထိ တစ်တန်းတည်းဆန့်ထားပြီး ယောဂဖျာနဲ့ကပ်နေရပါမယ်။ ပေါင်အပေါ်ပိုင်းကနေစပြီး ကော့ထားရပါမယ်။ ခေါင်းကိုလည်း မော့ထားရပါမယ်။ လက်နှစ်ဖက်ကလည်း ပုံမှာပြထားတဲ့အတိုင်း ထောက်ထားရပါမယ်။ အဲ့အနေအထားနဲ့ စက္ကန့် ၃၀ နေပေးပါ။

ယောဂကျင့်စဉ် ၄ မျိုးလုံးပြီးသွားရင် တစ်မျိုးကို စက္ကန့် ၃၀ စီနေပြီး နောက်တစ်ကျော့ ထပ်လုပ်ပေးပါ။

source:www.blushin.com