ဒူးနာတတ်တဲ့သူတွေအတွက် ဒူးနာတာကိုသက်သာစေမယ့် ယောဂကျင့်စဉ်တွေ အများကြီးထဲကမှ လုပ်ရတာလွယ်ကူတဲ့ ၅ မျိုးကို ရွေးချယ်ပြီး ဖော်ပြပေးလိုက်ပါတယ်။ Exercise သေချာမလုပ်နိုင်ရင် ယောဂပဲလုပ်ပေးပါ။ ယောဂလုပ်တာက Exercise လုပ်တာလောက် မပင်ပန်းပါဘူး။ ယောဂကျင့်ဖို့ဆိုရင် ယောဂဖျာတစ်ချပ်တော့ လိုပါမယ်။ ပြီးတော့ နေ့တိုင်း လုပ်ပေးရပါမယ်။ ဒါမှသာ ဒူးနာတာ သက်သာပါလိမ့်မယ်။
Chair Pose
ပုံမှာပြထားတဲ့ Chair Pose အနေအထားအတိုင်း စက္ကန့် ၃၀ နေပေးရပါမယ်။ ခါးနဲ့ကျောရိုးကို ဆန့်ထားပေးပါ။ လက်နှစ်ဖက်ကိုလည်း အပေါ်ကိုဆန့်ထားပေးပါ။
Peaceful Warrior Pose
ပုံမှာပြထားတဲ့ Peaceful Warrior Pose အတိုင်း စက္ကန့် ၃၀ နေပေးရပါမယ်။ ခြေထောက်တစ်ဖက်ကို ဒူးကွေးထားပြီး နောက်ခြေထောက်တစ်ဖက်ကတော့ ဆန့်ထားရပါမယ်။ လက်ကိုလည်း ပုံထဲကအတိုင်း သေချာလုပ်ပေးပါ။
Bridge Pose
ပုံမှာပြထားတဲ့ Bridge Pose အတိုင်း စက္ကန့် ၃၀ နေပေးရပါမယ်။ ခေါင်းနဲ့ ယောဂဖျာနဲ့ ထိထားရပါမယ်။ ဒူးထောင်ပြီး ခြေဖဝါးနှစ်ဖက်လုံးကလည်း ယောဂဖျာနဲ့ထိနေရပါမယ်။ ခန္ဓာကိုယ်ကိုကော့ထားပြီး လက်နှစ်ဖက်ကို ပုံထဲကအတိုင်း သေချာလုပ်ပေးပါ။
High Lunge Pose
ပုံမှာပြထားတဲ့ High Lunge Pose အတိုင်း စက္ကန့် ၆၀ နေပေးရပါမယ်။ ခြေထောက်တစ်ဖက်ကို ရှေ့ထုတ်ပြီး ဒူးကွေးပါ။ ခြေထောက်တစ်ဖက်ကိုတော့ အနောက်ကိုဆန့်ထုတ်ထားပါ။ လက်နှစ်ဖက်ကို အပေါ်မြှောက်ပြီး ဆန့်တန်းထားပါ။
Hero Pose
ပုံမှာပြထားတဲ့ Hero Pose အတိုင်း စက္ကန့် ၆၀ နေပေးရပါမယ်။ ခါးကိုသေချာမတ်ပြီး လက်အုပ်ချီထားလည်းရသလို၊ တရားထိုင်သလို လက်နှစ်ကို ပေါင်ပေါ်တင်ထားလည်း ရပါတယ်။ အဓိကကတော့ ခြေဖနောင့်နဲ့ တင်ပါးနဲ့ ထိနေအောင် ထိုင်ရပါမယ်။ ခါးမတ်ထားရပါမယ်။
Source: www.greatist.com
