ကိုယ့်ခန္ဓာကိုယ်က အမြဲတမ်းအနံ့အသက်ကောင်းလေးတွေရနေစေဖို့ အလွယ်ကူဆုံးနည်းလမ်း ၅ မျိုး

ကိုယ့်ခန္ဓာကိုယ်က အမြဲတမ်း အနံ့အသက်ကောင်းလေးတွေရနေစေဖို့ဆိုရင် ပုံမှန်လုပ်ပေးလို့ရတဲ့ အလွယ်ကူဆုံးနည်းလမ်း ၅ မျိုးကို ပြောပြပေးချင်ပါတယ်။

Shower Gel အနံ့ကောင်းတာလေးရွေးသုံးပါ

ရေချိုးတဲ့အခါမှာ ဆပ်ပြာကိုအတုံးမသုံးပဲ shower gel အနံ့ကောင်းတာ၊ အနံ့စွဲတာလေး ရွေးသုံးပေးပါ။ အချိန်ကြာကြာ ကိုယ့်ခန္ဓာကိုယ်မှာ အနံ့စွဲစေပါတယ်။ အမြဲတမ်းသုံးရင် ကိုယ့်ရဲ့ ကိုယ်သင်းနံ့လေးလိုတောင် ဖြစ်စေပါတယ်။

Deodorant သုံးပါ

ဂျိုင်းချွေးနံ့နံတဲ့သူဆိုရင် deodorant ကို သေချာရွေးသုံးပါ။ အနံ့လုံးဝမထွက်အောင် ထိန်းပေးတာမျိုး ရွေးသုံးပါ။ ဂျိုင်းချွေးနံ့မနံတဲ့သူဆိုလည်း deodorant သုံးပေးရင် ကိုယ့်ခန္ဓာကိုယ်က အနံ့ကောင်းလေး စွဲနေစေပါတယ်။ ရေမွှေးတွေဆွတ်လည်း ဂျိုင်းချွေးနံ့နံရင် အဆင်မပြေပါဘူး။ ဒါကြောင့် ရေမွှေးထက် deodorant က ပိုအသုံးဝင်ပါတယ်။

Baby Wipes ဆောင်ထားပါ

Baby wipes တွေက သဘာဝအနံ့လေးတွေနဲ့ အနံ့ကောင်းပါတယ်။ ချွေးထွက်ရင်ပဲဖြစ်ဖြစ်၊ တစ်ခုခုပေသွားလို့ ဖျက်ချင်ရင်ပဲဖြစ်ဖြစ် တစ်ရှူးမသုံးပဲ baby wipes လေးနဲ့ ပြောင်းသုံးကြည့်ပါ။

Handy Kit လေးယူသွားပါ

Handy kit ထဲမှာ breath mints, mini perfume နဲ့ ပီကေလေးတွေ ထည့်ဆောင်ထားပါ။ ခံတွင်းအနံ့အသက်ကောင်းအောင် breath mints တို့၊ ပီကေတို့ ဝါးလို့ရသလို၊ ချွေးထွက်လာရင်လည်း mini perfume လေး ထုတ်ဆွတ်လိုက်လို့ရပါတယ်။ ဒီတော့ အမြဲတမ်း အနံ့အသက်ကောင်းပြီး မွှေးနေပြီပေါ့။

ညဘက် Lotion လိမ်းပါ

ညအိပ်ယာဝင်ခါနီးတိုင်း အသားထဲစိမ့်ဝင်အောင် lotion သေချာလိမ်းပေးခြင်းက ခန္ဓာကိုယ်အနံ့အသက်ကောင်းစေပြီး အသားအရေလည်း စိုပြည်စေပါတယ်။ ကိုယ့် lotion နံ့ကြောင့် ကောင်းမွန်စွာ အိပ်ပျော်စေနိုင်ပါတယ်။ Lotion အနံ့ရွေးတာ မှန်ဖို့တော့လိုမယ်နော်။