ကြမ်းပိုးတွေကိုရှင်းပစ်နိုင်မယ့် အလွယ်ကူဆုံးသောနည်းလမ်း ၅ မျိုး

အိမ်မှာကြမ်းပိုးတွေရှိနေရင် ဘယ်လိုကိုက်သွားမှန်းတောင်မသိပဲ ယားလာမှ၊ အဖုကြီးတွေထလာမှ သတိထားမိကြတာပါ။ ကြမ်းပိုးတွေက အိပ်ယာခင်းတွေ၊ ကော်ဇောတွေ၊ ဆိုဖာတွေ၊ အဝတ်အစားတွေမှာပါကပ်နေရင် အရမ်းစိတ်ညစ်ဖို့ကောင်းပါတယ်။ ဒါကြောင့် ကြမ်းပိုးတွေကိုရှင်းပစ်နိုင်မယ့် အလွယ်ကူဆုံးသောနည်းလမ်း ၅ မျိုးကို မျှဝေပေးလိုက်ပါတယ်။

Silica Gel ဖြူးထားပါ

ကြမ်းပိုးတွေရှိတဲ့နေရာတစ်လျှောက်မှာ Silica Gel အထုပ်လေးတွေကိုဖောက်ပြီး ဖြူးထားပေးရင် ကြမ်းပိုးပြေးပါတယ်။

ရှာလကာရှည်ဖြန်းပါ

ရှာလကာရည်မှာက Acetic Acid ပါလို့ ကြမ်းပိုးတွေပြေးစေပါတယ်။ ရှာလကာရည်ကို Spray ဘူးထဲထည့်ပြီး ကြမ်းပိုးကိုဖြန်းပေးလို့လည်းရသလို၊ ကြမ်းပိုးရှိတဲ့နေရာကို ခဏခဏဖြန်းပေးလို့လည်း ရပါတယ်။

Essential Oils

Essential Oils ကို ပိုးသတ်ဆေးအဖြစ်နဲ့သုံးပြီး ကြမ်းပိုးနှိမ်နင်းလို့လည်း ရပါတယ်။ Essential Oils တွေထဲမှာမှ Rosemary oil, Mint oil, Cinnamon oil, Peppermint oil, Clove oil, Lemongrass oil တွေကို သုံးပေးနိုင်ပါတယ်။ ဒီထဲကမှ ကိုယ်အဆင်ပြေတဲ့ Essential Oils ကို ရေနဲ့ရောပြီး Spray ဘူးထဲထည့်ကာ ကြမ်းပိုးရှိတဲ့နေရာကို ဖြန်းပေးရမှာပါ။

ရေနွေးငွေ့

ကြမ်းပိုးရှိတဲ့နေရာကို ရေနွေးငွေ့နဲ့မှုတ်ပေးရင် ကြမ်းပိုးတွေ ကြာကြာမနေနိုင်ပါဘူး။ ဒီနည်းလမ်းနဲ့လည်း ကြမ်းပိုးတွေကို ရှင်းပစ်နိုင်ပါတယ်။

ငရုပ်သီးမှုန့်၊ ဟင်းခတ်အမွှေးအကြိုင်အပင်၊ ဂျင်း

ငရုပ်သီးမှုန့်၊ ဟင်းခတ်အမွှေးအကြိုင်အပင်နဲ့ ဂျင်းတို့ကို ဆတူရောကြိတ်ပြီး Spray ဘူးထဲထည့်ပါ။ ပြီးရင် ရေထည့်ပြီး Shake ပေးပါ။ ပြီးရင်တော့ ကြမ်းပိုးရှိတဲ့နေရာကိုဖြန်းလိုက်ရင် ကြမ်းပိုးတွေတစ်ခါထဲပြေးပါတယ်။

source:www.brightside.me