မိန်းကလေးတိုင်းရဲ့ ဘဝမှာ လွယ်ကူတဲ့ လက်သည်းထိန်းသိမ်း နည်းလမ်းတွေကို လိုအပ်ပါတယ်။ ကျွတ်ဆတ်တဲ့ လက်သည်းက အလွယ်တကူ ကျိုးနိုင်သလို လက်သည်းကျိုးရခြင်း အကြောင်းအရင်းတွေထဲမှာ ရေ၊ ဓာတုပစ္စည်းတွေနဲ့ အထိများတာ၊ အသက်ကြီးလာတာ၊ Nail Polish တွေ Remover တွေကို ခဏခဏ သုံးတာတွေ ပါဝင်ပါတယ်။ ဒါ့အပြင် ကျိုးလွယ်တဲ့ လက်သည်းက သင့်ကျန်းမာရေးအခြေအနေကြောင့်လည်း ဖြစ်နိုင်ပါသေးတယ်။ သင်က လက်သည်းလှလှလေးနဲ့ လက်လှလှလေးတွေ ပိုင်ဆိုင်ဖို့ လွယ်ကူတဲ့ နည်းလမ်းတွေကို သိထားသင့်ပါတယ်။ ဒီနည်းလမ်းတွေကို ပုံမှန်လုပ်ပေးမယ်ဆိုရင် လက်သည်းလေးတွေ ပိုကျန်းမာလာပြီး လက်လှလှလေးကို ပိုင်ဆိုင်ပါလိမ့်မယ်။

၁။ သံလွင်ဆီ နည်းလမ်း

သံလွင်ဆီကို ပူနွေးသွားအောင် အပူအနည်းငယ် ပေးရပါမယ်။ ပြီးနောက် ဒီသံလွင်ဆီထဲကို သင့်လက်သည်း ၁၅ မိနစ်ကနေ မိနစ် ၂၀ ကြာ စိမ်ပေးရပါမယ်။ စိမ်ပြီးနောက် လက်သည်းကို စက်ဝိုင်းပုံစံ နှိပ်နယ်ပေးရပါမယ်။

၂။ ပျားရည်နဲ့ သံပယိုသီး နည်းလမ်း

ပျားရည် ၂ ဇွန်းထဲကို သံပယိုရည် ၄ စက်ကနေ ၅ စက် ထည့်ပေးရပါမယ်။ ဒါကို သေချာရောမွှေပေးရပါမယ်။ သင့်လက်သည်းကို ဒီအရောနဲ့ နှိပ်နယ်ပေးရပါမယ်။ ပြီးနောက် မိနစ် ၂၀ ကနေ ၃၀ ထားရပါမယ်။ ဒါပြီးရင်တော့ လက်သည်းကို ရေနဲ့ ဆေးချနိုင်ပါပြီ။ လက်ခြောက်သွားတာနဲ့ အစိုဓာတ်ထိန်းခရင်ကို လိမ်းပေးရပါမယ်။

၃။ Vaseline နဲ့ သံလွင်ဆီ

ခွက်တစ်ခွက် ဒါမှမဟုတ် စာရွက်တစ်ရွက် ယူပေးရပါမယ်။ ဒီထဲကို Vaseline နဲ့အတူ သံလွင်ဆီ ၂ စက်ကနေ ၃ စက်ကို ရောပေးရပါမယ်။ ဒီအရောကို သင့်လက်သည်းပေါ် လိမ်းကာ နှိပ်နယ်ပေးရပါမယ်။ ၃ မိနစ်ကနေ ၅ မိနစ်ထားပြီးနောက် ရေဆေးချနိုင်ပါပြီ။

၄။ Vitamin E အဆီ

ဗီတာမင် အီး အတောင့်လေးတွေကို ယူပေးရပါမယ်။ ဒီအတောင့်ထဲက အဆီကို ညှစ်ထုတ်ရပါမယ်။ ဗီတာမင် အီး အဆီ ၁ ဇွန်းနဲ့ Tea Tree Oil ၂ စက်ကနေ ၃ စက်ကို ရောပေးရပါမယ်။ ဒီဆီနဲ့ သင့်လက်သည်းကို ၅ မိနစ် ကနေ ၁၀ မိနစ် နှိပ်နယ်ပေးရပါမယ်။

၅။ သံပယိုသီးနဲ့ သံလွင်ဆီ

သံပယိုသီး လေးပုံပုံ တစ်ပုံနဲ့အတူ သံလွင်ဆီ ၂ ဇွန်းကို ရောပေးရပါမယ်။ လက်သည်းကို ဒီထဲ ၁၀ မိနစ်ကြာ စိမ်ပေးရပါမယ်။ ပြီးနောက် ရေဆေးချပေးရပါမယ်။

Photo Source: Pinterest

By MyStyle Myanmar